కూటమితోనే అభివృద్ధి

టీ వేంద్రంలో ఎన్నికల గుర్తు వివరిస్తూ..

మచిలీపట్నం (కోనేరుసెంటరు), న్యూస్‌టుడే: ఎన్నికల్లో కూటమి అభ్యర్థులను గెలిపించాలని.. అభివృద్ధి అంటే ఏమిటో చూపిస్తామని జనసేన మచిలీపట్నం ఎంపీ అభ్యర్థి వల్లభనేని బాలశౌరి అన్నారు. ఆయన ఎన్నికల గుర్తు గాజుగ్లాసును ప్రజల్లోకి తీసుకువెళ్లేందుకు ఎన్‌ఆర్‌ఐ నగరంలోని జడ్పీ సెంటరులో ఏర్పాటు చేసిన టీవేంద్రాన్ని గురువారం ఆయన ప్రారంభించారు. వచ్చిన వారికి టీ అందజేస్తూ గాజుగ్లాసు గుర్తుకే ఓటేయాలని, అసెంబ్లీ అభ్యర్థి కొల్లు రవీంద్రకు సైకిల్‌ గుర్తుపై ఓటు వేసి అఖండ విజయం చేకూర్చాలని కోరారు. ప్రజారంజక సంక్షేమ పథకాలను ప్రతి ఒక్కరికీ చేరువ చేస్తామన్నారు. ఒక్కసారి అవకాశం పేరుతో అందరం మోసపోయామని, రాష్ట్ర భవిష్యత్‌, ప్రజాసంక్షేమాన్ని దృష్టిలో ఉంచుకుని జగన్‌కు తగురీతిన బుద్ధి చెప్పాలని విజ్ఞప్తి చేశారు. పలువురు జనసేన నాయకులు, కార్యకర్తలు పాల్గొన్నారు.