గన్నవరంలో చంద్రబాబు పర్యటన నేడు

గన్నవరం గ్రామీణం, న్యూస్‌టుడే: తెదేపా అధినేత చంద్రబాబు శుక్రవారం గన్నవరంలో పర్యటించనున్నారు. నియోజకవర్గ కూటమి అభ్యర్థి యార్లగడ్డ వెంకట్రావు, ఎంపీ అభ్యర్థి వల్లభనేని బాలశౌరికి మద్దతుగా నిర్వహించే ఎన్నికల ప్రచార బహిరంగ సభలో పాల్గొంటారు. మధ్యాహ్నం 1.30 గంటలకు ఏలూరు నుంచి ప్రత్యేక హెలికాఫ్టర్‌లో బయలుదేరి విజయవాడ అంతర్జాతీయ విమానాశ్రయం చేరుకోనున్న చంద్రబాబు.. రోడ్డు మార్గంలో గన్నవరం చేరుకొని స్థానిక చైతన్య స్కూల్‌ కూడలిలో 2 గంటలకు ఏర్పాటు చేసిన బహిరంగ సభలో పాల్గొని ప్రసంగిస్తారు. అనంతరం తిరిగి 3.20 గంటలకు విమానాశ్రయం చేరుకొని మాచర్లలో జరిగే బహిరంగ సభలో పాల్గొనేందుకు బయలుదేరి వెళ్తారు.