కూటమికే మా మద్దతు

ఐక్యత చాటుతున్న నాయకులు
మచిలీపట్నం (గొడుగుపేట), న్యూస్‌టుడే: గ్రామీణ వైద్యుల సంక్షేమ సంఘం మద్దతు ఎన్డీయే కూటమికేనని సంఘ రాష్ట్ర కార్యదర్శి బీఆర్‌ ఆంజనేయులు అన్నారు. గురువారం నగరంలోని ఓ వేడుక మందిరంలో నిర్వహించిన సమావేశంలో ఆయన మాట్లాడుతూ గ్రామీణ ప్రాంతాల్లో పనిచేసే ఆర్‌ఎంపీలు రాష్ట్రవ్యాప్తంగా 60వేలమంది ఉన్నారని వారందరూ ప్రస్తుతం అనేక ఇబ్బందులు పడుతున్నారని అన్నారు. నిలిపివేసిన పారామెడికల్‌ శిక్షణ మళ్లీ ప్రారంభించాలని, ఆరోగ్యబీమా, పింఛను సదుపాయం తదితర డిమాండ్లు జనవాణి కార్యక్రమంలో పవన్‌ కల్యాణ్‌కు వివరించగా సానుకూలంగా స్పందించారని అన్నారు. అందరూ కూటమి అభ్యర్థులను గెలిపించాలని కోరారు. మచిలీపట్నంలో ఎంపీ, ఎమ్మెల్యే అభ్యర్థులు వల్లభనేని బాలశౌరి, కొల్లు రవీంద్రలకు ఓటు వేయాలని పిలుపునిచ్చారు. నాయకులు జి.నందగోపాల్‌, మల్లికార్జునుడు, డేవిడ్‌రాజు, హరిప్రసాద్‌, కె.వీరబాబు, బి.అర్జునరావు, ఎల్‌.దుర్గారావు, సీహెచ్‌ ప్రసాద్‌ తదితరులు పాల్గొన్నారు.