నేతలకు బాట.. ప్రజలకు అవస్థ

ఆర్థిక మంత్రి పర్యటన నేపథ్యంలో డోన్‌ బస్టాండు ప్రాంతంలో  వాహనాన్ని అడ్డుపెట్టి

స్థానికుల్ని నిలువరిస్తున్న పోలీసులు

డోన్‌లో శనివారం మంత్రి బుగ్గన రాజేంద్రనాథ్‌రెడ్డి పర్యటన నేపథ్యంలో పోలీసులు అత్యుత్సాహం చూపారు. మంత్రి వచ్చే మార్గంలో పోలీసులు వాహనాలను పూర్తిగా నియంత్రించారు. బస్టాండ్‌ కూడలిలో పోలీసు జీపును అడ్డుపెట్టి మరీ వాహనాలను రానీయకుండా చేశారు. దీంతో పనుల కోసం వెళ్లే జనం తీవ్ర ఇబ్బందులు పడ్డారు. జనాన్ని రావద్దని చెప్పి, అదే మార్గంలో వైకాపా కార్యకర్తల ద్విచక్రవాహన ర్యాలీని మాత్రం అనుమతించారు. మంత్రి బుగ్గన రాజేంద్రనాథ్‌రెడ్డి పలు అభివృద్ధి కార్యక్రమాలతోపాటుగా వైకాపా ప్లీనరీలో పాల్గొన్నారు.

- ఈనాడు, కర్నూలు