ఇదేం ఖర్మ.. మన రాష్ట్రానికి కార్యక్రమాలు విజయవంతం చేయాలి

మాట్లాడుతున్న సోమిశెట్టి వెంకటేశ్వర్లు

కర్నూలు సచివాలయం, న్యూస్‌టుడే: రాష్ట్ర ప్రభుత్వం అనుసరిస్తున్న ప్రజా వ్యతిరేక విధానాలు వివరించేందుకు ‘ఇదేం ఖర్మ.. మన రాష్ట్రానికి’ అన్న నినాదంతో ప్రజల్లోకి వెళ్లేలా తెదేపా జాతీయ అధ్యక్షుడు చంద్రబాబు నాయుడు ఆదేశించారని కర్నూలు  పార్లమెంట్‌ నియోజకవర్గ తెదేపా అధ్యక్షుడు సోమిశెట్టి వెంకటేశ్వర్లు పేర్కొన్నారు. నగరంలోని తెదేపా కార్యాలయంలో గురువారం మాట్లాడారు. ప్రజల మద్దతు పొందేందుకుగాను డిసెంబరు 2 నుంచి 45 రోజులపాటు కార్యక్రమాలు ఉంటాయని.. ఇవి పార్టీ నియోజకవర్గ ఇన్‌ఛార్జుల ఆధ్వర్యంలో జరుగుతాయని చెప్పారు. దీనిని అందరూ విజయవంతం చేయాలని కోరారు. ధరల నియంత్రణలో విఫలమవడం.. జాబ్‌ క్యాలెండర్‌ పేరుతో యువతను మోసగించిన విధానాన్ని.. ఇసుక, మద్యం, భూదందా, మైనింగ్‌ మాఫియా గురించి.. ఇలా ప్రజలు ఎదుర్కొంటున్న ప్రతి ఇబ్బందిని వివరిస్తూ వారి మద్దతు పొందేలా కార్యక్రమాలు చేపట్టాలని పార్టీ శ్రేణులకు పిలుపునిచ్చారు.