పూర్తయిన మగ్గాల సర్వే

రాజోలి: మండల కేంద్రమైన రాజోలి గ్రామంలో నాలుగు రోజులుగా చేపడుతున్న క్లస్టర్ పథకం మగ్గాల పరిశీలన గురువారంతో పూర్తయ్యింది. చేనేత క్లస్టర్ పథకం ప్రారంభానికి సంబంధించి మొత్తం 400 మంది జాబితా రాగా, వారికి సంబంధించి సీడీఈ శివకుమార్ ఇంటింటికి వెళ్లి మగ్గాలను పరిశీలించారు. మగ్గం మనుగడలో ఉందా? ఆధార్, బ్యాంకు వివరాలతో పాటు, ఎలాంటి రాయితీ పరికరాలు కోరుకుంటున్నారనే వివరాలను ఆయన సేకరించారు. వందశాతం మగ్గాలను పరిశీలించామని, రూ.1.30 కోట్లతో ఈ పథకాన్ని అమలు చేయనుండగా, మొదటి విడతగా సగం నిధులు త్వరలోనే రానున్నాయన్నారు. రాగానే పథకం ప్రారంభానికి జిల్లా ఏడీ ఆదేశాలతో చర్యలు చేపడతామని సీడీఈ పేర్కొన్నారు.