నేతల పక్క చూపులు

అసెంబ్లీ ఎన్నికలకంటే అధిక మెజార్టీ సాధిస్తాం

 ముఖ్యమంత్రి రేవంత్‌రెడ్డి సమక్షంలో కాంగ్రెస్‌లో చేరిన మహ్మద్‌ తన్వీర్‌, నాయకులు

కొందరు నాయకులు పార్టీని వీడినంత మాత్రాన భారాసకు నష్టం లేదు. కార్యకర్తలు మా వెంటే ఉన్నారు. అధికారంలో ఉన్నప్పుడు పదవులు అనుభవించి.. ఇప్పుడు స్వార్థ ప్రయోజనాల కోసం పార్టీకి నష్టం చేయాలని చూస్తున్నారు. జహీరాబాద్‌ అసెంబ్లీ సెగ్మెంటు పరిధిలో భారాసకు బలమైన నాయకులు, కార్యకర్తలు ఉన్నారు. ఇటీవల నిర్వహించిన ప్రతి సమావేశానికి స్వచ్ఛందంగా పెద్దసంఖ్యలో తరలి వచ్చారు. ఎమ్మెల్యే మాణిక్‌రావు సహకారంతో నియోజకవర్గ పరిధిలో అసెంబ్లీ ఎన్నికలకంటే ఇప్పుడు అధిక మెజార్టీ సాధిస్తాం. మంగళవారం జరిగిన మెదక్‌, జహీరాబాద్‌ పార్లమెంట్‌ నియోజకవర్గాల పరిధి భారాస సభ విజయవంతమైంది. మాజీ సీఎం కేసీఆర్‌ ఇచ్చిన సందేశాన్ని ప్రజలకు వద్దకు తీసుకెళతాం. రెండు స్థానాల్లోనూ విజయం సాధిస్తాం.- దేవీప్రసాద్‌, భారాస జహీరాబాద్‌ నియోజకవర్గ సమన్వయకర్త.