కలెక్టర్‌ గారూ.. అవార్డులు మాకెందుకివ్వరు?

నెల్లూరు(జడ్పీ),: వర్క్‌ఛార్జ్‌డ్‌ ఉద్యోగులకు అవార్డులు ఇవ్వకుండా ఎందుకు విస్మరిస్తున్నారని ర.భ. శాఖ ఉద్యోగ సంఘాల నాయకులు ఆవేదన వ్యక్తం చేస్తున్నారు. ఈ మేరకు శనివారం ఆశాఖ రాష్ట్ర కమిటీ అధ్యక్ష, కార్యదర్శులు శరత్‌బాబు, కె.శంకరన్‌బాబు ఓ లేఖ విడుదల చేశారు. రాత్రనకా, పగలనకా రోడ్లపై చెమట చిందించి విధులు నిర్వహిస్తున్న గ్యాంగ్‌ మెన్స్‌, వర్క్‌ ఇన్‌స్పెక్టర్లు, డ్రైవర్లు, వాచ్‌మెన్‌లు, తదితర సిబ్బందికి ప్రభుత్వం గణతంత్ర, స్వాతంత్య్ర వేడుకలకు అవార్డులు ఎందుకు ఇవ్వడంలేదని పేర్కొన్నారు. ఈ లేఖలను కలెక్టర్‌ నుంచి ఈఎన్‌సీ వరకు పంపుతున్నామని తెలిపారు.