స్లాబు కూలింది.. ముప్పు తప్పింది

పాలకొండలోని అగ్నిమాపక కేంద్రం పైకప్పు మధ్యభాగం విరిగి పడింది. శుక్రవారం రాత్రి భారీ వర్షం కురవడంతో స్లాబు కూలిపోయింది. ఆ సమయానికి అక్కడెవరూ లేకపోవడంతో ప్రమాదం తప్పింది. ఈ భవనం కొన్నేళ్లుగా శిథిలావస్థలో ఉన్నా వాహనాన్ని పెడుతున్నారు. నూతన భవన నిర్మాణానికి రూ.1.16 కోట్ల నిధులు మంజూరైనా పనులు ప్రారంభం కాలేదు. ఈక్రమంలో భయాందోళనల నడుమే సిబ్బంది విధులు నిర్వహించేవారు. ఈక్రమంలోనే ఈ ఘటన జరిగింది. పోలీస్‌ హౌసింగ్‌ బోర్డువారు పనులు చేయాల్సి ఉందని, వారి దృష్టికి తీసుకెళ్తామని సంబంధిత అధికారి బదులిచ్చారు.     

 న్యూస్‌టుడే, పాలకొండ