మూలకు చేరిన మూడు చక్రాల ఆటోలు

బలిజిపేట: గ్రామాలను పరిశుభ్రంగా ఉంచేందుకు స్వచ్ఛ భారత్‌ మిషన్‌ కింద మంజూరు చేసిన మూడు చక్రాల ఆటోలు కొన్ని చోట్ల మూలకు చేరాయి. గ్రామాల్లో తడి, పొడి చెత్త సేకరణ చేపట్టి వీటిని చెత్తశుద్ధి కేంద్రాలకు తరలించేందుకు బలిజిపేట మండలంలోని ఏడు గ్రామపంచాయతీలకు ఎస్సీ కార్పొరేషన్‌, పంచాయతీరాజ్‌శాఖలు సంయుక్తంగా ఏడు ఆటోలు మంజూరు చేశాయి. వీటికి సాంకేతిక లోపాలు ఏర్పడినందున బలిజిపేటకు చెందిన ఈ ఆటో ఆరంభం నుంచి సచివాలయం ఆవరణలోనే మూలన పడి ఉంది. ఇందుకు ప్రభుత్వం వెచ్చించిన నిధులు వృథా అయ్యాయి. ఈ విషయం గురించి పంచాయతీ కార్యదర్శి ఆదిలక్ష్మిని ‘న్యూస్‌టుడే’ వివరణ కోరగా, ఈ విషయం ఎస్సీ కార్పొరేషన్‌ దృష్టికి తీసుకువెళ్లామన్నారు.