దేవస్థానం భూమినే కప్పేస్తున్నారు!!

దేవస్థానం భూమిలో వ్యర్థాలు, మట్టి

నేరవార్తా విభాగం, న్యూస్‌టుడే: ఉత్తరాంధ్రుల ఇలవేల్పు పైడితల్లి దేవస్థానం భూములు ఆక్రమణలకు గురవుతున్నా యంత్రాంగం చూసీచూడనట్లు వ్యవహరిస్తోంది. జేఎన్‌టీయూ కూడలి సమీపంలోని రెండు రోడ్లకు మధ్యలో దేవస్థానానికి చెందిన స్థలం ఉంది. ఓవైపు జేఎన్‌టీయూ, మరో వైపు సీతం కళాశాల, ప్రభుత్వ వైద్య కళాశాల, ఈఎస్‌ఐ ఆసుపత్రి ఉండడంతో ఇక్కడ ధర అధికం. ఇటీవల ఈ స్థలంలో పలు దుకాణాలు వెలిశాయి. అయినా చర్యల్లేవు. గతంలో దేవస్థానానికి చెందిన బోర్డు ఉన్నా.. ప్రస్తుతం మూసుకుపోయింది. పరిశీలించి, చర్యలు తీసుకుంటామని సంబంధిత అధికారులు చెప్పారు.

గతంలో ఏర్పాటు చేసిన బోర్డు.. ప్రస్తుతం ఇలా కనుమరుగవుతోంది..