తెదేపా పాలనలోనే అభివృద్ధి

తెదేపాలో చేరిన వారికి పార్టీ కండువా కప్పి ఆహ్వానిస్తున్న తెదేపా అభ్యర్థి ముత్తుముల అశోక్‌రెడ్డి

గిద్దలూరు పట్టణం, కంభం, పొదిలి గ్రామీణం, యర్రగొండపాలెం పట్టణం, తర్లుపాడు, మార్కాపురం గ్రామీణం, న్యూస్‌టుడే : తెదేపా పాలనలోనే అభివృద్ధి జరిగిందని మాజీ ఎమ్మెల్యే, తెదేపా గిద్దలూరు నియోజకవర్గ తెదేపా అభ్యర్థి ముత్తుముల అశోక్‌రెడ్డి పేర్కొన్నారు.. ఆయన శుక్రవారం గిద్దలూరు నగర పంచాయతీలో ఇంటింటి ప్రచారంలో పాల్గొన్నారు. ఈ సందర్భంగా గిద్దలూరు నియోజకవర్గ వైకాపా కో కన్వినర్‌ తిప్పిశెట్టి రజనీకాంత్‌ అశోక్‌రెడ్డి సమక్షంలో తెదేపాలో చేరారు. ఆయనతో పాటు 20 కుటుంబాలు వైకాపాను వీడి తెదేపా తీర్థం పుచ్చుకున్నారు.

•   ‌్ర ముత్తుముల అశోక్‌రెడ్డి సోదరుడు జగన్‌ శుక్రవారం కంభం పట్టణంలో ప్రచారం నిర్వహించారు. ‌
•   మార్కాపురం తెదేపా అభ్యర్ధి కందుల నారాయణరెడ్డి కుమారై నందినిరెడ్డి, సోదరుడు వేణుగోపాల్‌రెడ్డి శుక్రవారం కొనకనమిట్ట మండలంలోని మునగపాడు ఇంటింటి ప్రచారం చేపట్టారు.‌
• మాజీ ఎమ్మెల్యే కందుల నారాయణరెడ్డి సతీమణి వసంతలక్ష్మీ మార్కాపురం పట్టణంలోని 1వ వార్డులో శుక్రవారం రాత్రి ఆమె ఎన్నికల ప్రచారం నిర్వహించారు. చేరికల వెల్లువ
•  పొదిలి మండలంలోని టి.సళ్లూరులో పది ఎస్సీ కుటుంబాలు కందుల విగ్నేష్‌రెడ్డి సమక్షంలో తెదేపాలో చేరారు.‌
•   వై.పాలెం మండలం కొలుకుల గంజివాపరిపల్లె గ్రామాలకు చెందిన 40 కుటుంబాల వారు ఎరిక్షన్‌బాబు సమక్షంలో శుక్రవారం వైకాపా నుంచి తెదేపాలో చేరాయి.‌
• తర్లుపాడు మండలంలోని కారుమానుపల్లె, మీర్జాపేట, గొల్లపల్లె, రోలుగుంపాడు, నాగెళ్లముడుపు, తాడివారిపల్లె గ్రామాల్లో శుక్రవారం కందుల నారాయణరెడ్డి ప్రచార రథయాత్రలో ప్రచారం నిర్వహించారు. ‌
• మార్కాపురం మండలంలోని ఇడుపూరు గ్రామంలో కందుల రోహిత్‌రెడ్డి ప్రచారం నిర్వహించారు.