ఊరంతా పెళ్లిసందడి..

వజ్రపుకొత్తూరు మండలం నువ్వలరేవులో గురువారం జరగనున్న సామూహిక పెళ్లిళ్ల సందడి మొదలైంది. బుధవారం ఉదయం 6.30 గంటలకు బాజాభజంత్రీలతో వేద పండితుల మంత్రోచ్చారణ నడుమ సుమారు 86 (43 జంటలు) పెళ్లి ఇళ్ల వద్ద పందిరాట అట్టహాసంగా నిర్వహించారు. పచ్చని కొబ్బరి కమ్మలతో పందిర్లు వేసి పెళ్లి పీటలను సిద్ధం చేశారు. అనంతరం డీజే సంగీతానికి యువకులు, చిన్నారులు, మహిళలు నృత్యాలు చేస్తూ రంగేళి ఆడారు. ఊరంతా హోలీ సందడి నెలకొంది. సంప్రదాయబద్ధంగా సమీప మంచినీటి కోనేరు వరకు ఊరేగింపుగా వెళ్లి స్నానాలు చేశారు. ఉల్లాసభరితంగా సాగింది. మధ్యాహ్నం వధూవరులకు మేనమామలు పుట్టి కావడితో సారె సామగ్రి అందజేశారు. గ్రామంలోని అన్ని వీధుల్లో విద్యుద్దీపాలంకరణలు, పెళ్లి ఆహ్వాన ఫ్లెక్సీలతో అందంగా తీర్చిదిద్దారు.