ఏపీటీపీసీఏ కార్యదర్శిగా శ్రీనివాసరావు

ప్రమాణ స్వీకారం చేస్తున్న శ్రీనివాసరావు, చిత్రంలో ఉప ముఖ్యమంత్రి అంజాద్‌భాషా

ఆమదాలవలస గ్రామీణం, న్యూస్‌టుడే: ఏపీ ట్యాక్స్‌ ప్రాక్టీషనర్స్‌, కన్సల్టెంట్‌ సంఘ(ఏపీటీపీసీఏ) కార్యదర్శిగా బుడుమూరు శ్రీనివాసరావు ఇటీవల ఏకగ్రీవంగా ఎన్నికయ్యారు. కడపలో ఆదివారం జరిగిన కార్యక్రమంలో ఉప ముఖ్యమంత్రి ఎస్‌.బి.అంజాద్‌ భాషా ఆధ్వర్యంలో ఈయన ప్రమాణ స్వీకారం చేశారు. అనంతరం ఆయన మాట్లాడుతూ సంఘ సభ్యులతో పాటు తమ వద్ద పనిచేస్తున్నవారికి ఏ సహాయం కావాలన్నా అందించేందుకు సిద్ధంగా ఉన్నానన్నారు. ప్రభుత్వం తమ సంఘ కార్యాలయ నిర్మాణానికి స్థలం మంజూరు చేయాలని కోరారు. కార్యక్రమంలో కడప ఎంపీ అవినాష్‌రెడ్డి, ఎమ్మెల్యే పి.రవీంద్రరెడ్డి, సంఘ జాతీయ అధ్యక్షుడు కె.సీతాపతి, సభ్యులు పాల్గొన్నారు.