యోగా పోటీలకు రాష్ట్ర విద్యార్థిని ఎంపిక

సాధించిన పతకాలతో జయవర్ధిని

ఆర్కేనగర్‌, న్యూస్‌టుడే:  అంతర్జాతీయ యోగా పోటీలకు రాష్ట్ర విద్యార్థిని జయవర్ధిని ఎంపికైంది. విరుదునగర్‌  జిల్లా శ్రీవిల్లిపుత్తూర్‌ కమ్మాపట్టికి చెందిన పాలవ్యాపారి కుడియరసు, గీత దంపతుల కుమార్తెలు కవియరసు (16), జయవర్ధిని (12). జయవర్ధిని ఏడో తరగతి చదువుతోంది. ఎనిమిది నెలల్ల్లోనే పాఠశాల, జిల్లా, రాష్ట్రస్థాయిలో 30కుపైగా పోటీల్లో గెలుపొందింది. ఇంకా దక్షిణ భారత స్థాయిలో మూడుసార్లు ఛాంపియన్‌గా నిలిచింది. అండమాన్‌ నికోబార్‌ దీవులలో జనవరిలో జరిగిన పోటీల్లో 12ఏళ్ల విభాగంలో జయవర్ధిని మొదటిస్థానం పొందింది. తెంకాశీ జిల్లాలో యోగా కల్చరల్‌ కేంద్రం నిర్వహించిన జాతీయ ఛాంపియన్‌షిప్‌-2023 పోటీల్లో ఛాంపియన్‌గా నిలిచింది. దీని ద్వారా థాయ్‌లాండ్‌లో డిసెంబర్‌లో జరగబోయే అంతర్జాతీయ యోగా పోటీకి ఎంపికైంది. ఇంకా కంబోడియాలో మే 27న జరగనున్న పోటీల్లో పాల్గొననుంది.