కళాశాల వార్షికోత్సవం

బహుమతులు అందుకున్న విద్యార్థులతో బాబా తదితరులు

ఆవడి, న్యూస్‌టుడే: ఆవడి సమీప పట్టాభిరాంలోని డీఆర్‌డీసీసీసీ హిందూ కళాశాల 27వ వార్షికోత్సవం బుధవారం నిర్వహించారు. హెల్త్‌కేర్‌ సెంటర్‌ ఎండీ డాక్టర్‌ రవీంద్రన్‌, తమిళనాడు క్రికెట్‌ అసోసియేషన్‌ గౌరవ సహాయ కార్యదర్శి డాక్టర్‌ ఆర్‌ఎన్‌ బాబా ముఖ్య అతిథులుగా పాల్గొని కార్యక్రమాన్ని ప్రారంభించారు. అనంతరం 2022-23 విద్యా సంవత్సరంలో విద్యలో ప్రతిభ కనబరిచిన విద్యార్థులకు ధ్రువపత్రాలు, ట్రోఫీలు, బహుమతులు ప్రదానం చేశారు. కార్యక్రమంలో కళాశాల పరిశోధనాభివృద్ధి కేంద్ర సంచాలకులు రాజేంద్రనాయుడు, కళాశాల ధర్మకర్తల మండలి సభ్యుడు గౌతమ్‌, ప్రధాన అధ్యాపకురాలు కల్విక్కరసి తదితరులు పాల్గొన్నారు.