ఇళ్ల కేటాయింపు ఆదేశాల అందజేత

లబ్ధిదారులతో మంత్రులు ఉదయనిధి, అన్బరసన్‌ తదితరులు

సైదాపేట, న్యూస్‌టుడే: చెన్నై చేపాక్కం-ట్రిప్లికేన్‌ నియోజకవర్గ పరిధిలోని 116, 114వ వార్డుల్లో వాననీటి కాలువల పని సమయంలో ఇళ్లను కోల్పోయిన 20 మందికి పట్టణ నివాస అభివృద్ధి బోర్డు తరఫున ఇళ్లు కేటాయించారు. ఈ నేపథ్యంలో దానికి సంబంధించిన ఆదేశాలను రాష్ట్ర యువజన సంక్షేమ, క్రీడాభివృద్ధి శాఖ మంత్రి ఉదయనిధి స్టాలిన్‌ గురువారం లబ్ధిదారులకు అందజేశారు. క్యాంపు కార్యాలయంలో జరిగిన ఈ సమావేశంలో మంత్రి అన్బరసన్‌, పట్టణ నివాస అభివృద్ధి శాఖ ప్రధాన కార్యదర్శి, తమిళనాడు పట్టణ నివాస అభివృద్ధి బోర్డు అధ్యక్షురాలు అపూర్వ, ఎండీ శంకర్‌ తదితర అధికారులు పాల్గొన్నారు.