బాలుడిపై వృద్ధుడి లైంగిక వేధింపులు

ప్యారిస్‌, న్యూస్‌టుడే: బాలుడిని లైంగిక వేధింపులకు గురిచేసిన 72 ఏళ్ల వృద్ధుడిని పోక్సో చట్టం కింద పోలీసులు అరెస్టు చేశారు. పోలీసుల కథనం ప్రకారం... చెన్నై కొళత్తూర్‌లో ప్రైవేటు చైల్డ్‌ వెల్ఫేర్‌ హోం నడుస్తోంది. దీని యజమాని అగస్టీన్‌ (72) విశ్రాంత ప్రభుత్వ పాఠశాల ఉపాధ్యాయుడు. ప్రభుత్వ ఆమోదం పొందిన ఈ హోంలో తల్లిదండ్రులు లేని 5-14 ఏళ్ల మధ్య వయస్కులైన పదిహేను మంది బాలురు ఉన్నారు. ఓ బాలుడు (13) కొన్ని రోజుల ముందు చైల్డ్‌ హెల్ప్‌ లైన్‌ నెంబరుకి ఫోన్‌ చేసి అగస్టీన్‌ తనను లైంగిక వేధింపులకి గురిచేస్తున్నట్లు తెలిపాడు. ఈ విషయమై అధికారులు హోంకి వెళ్లి పరిశీలించారు. విల్లివాక్కం పోలీసులకి ఫిర్యాదు చేశారు. పోక్సో చట్టం కింద పోలీసులు కేసు నమోదు చేసి, అతడిని అరెస్టు చేశారు. దర్యాప్తు కొనసాగుతోంది.