సిబ్బందిని విమానంలో తీసుకెళ్లిన వ్యాపారి

ప్యారిస్‌, న్యూస్‌టుడే: తన వద్ద పనిచేసే సిబ్బందిని ఓ వ్యాపారి విమానంలో చెన్నై తీసుకెళ్లాడు. మదురై వద్ద ఉన్న సొక్కనూర్‌కి చెందిన మాయన్‌ నిర్మాణ పనులు, రియల్‌ ఎస్టేట్‌ వ్యాపారి. దివంగత నటుడు విజయకాంత్‌ అభిమాని. ఆయన వద్ద పెద్దసంఖ్యలో సిబ్బంది, ఇంజినీర్లు పనిచేస్తుంటారు. విజయ్‌కాంత్‌ మార్గంలోనే తన వద్ద పనిచేసే ఉద్యోగులను ప్రోత్సహించేలా ఏటా ప్రత్యేక బహుమతులతో పాటు పర్యాటక ప్రాంతాలకు తీసుకెళ్తుంటారు. అభిమాన నటుడు విజయకాంత్‌ స్మారకాన్ని చేసేందుకు 35 మంది మహిళలు, 40 మంది పురుషులను మదురై నుంచి చెన్నైకి విమానంలో తీసుకెళ్లారు. ఆయన మాట్లాడుతూ తనకు 2002లో మొదటిసారిగా విమానంలో ప్రయాణించే అవకాశం దక్కిందని, ఈ అనుభూతి తన వద్ద పనిచేసే వారికి కూడా ఇవ్వాలనుకున్నానని తెలిపారు. అందుకే వారిని విమానంలో చెన్నై తీసుకెళ్లినట్లు పేర్కొన్నారు. మెరీనా బీచ్‌, మహాబలిపురం తదితర ప్రాంతాలకు కూడా తీసుకెళ్లినట్లు వివరించారు.