ఓటు హక్కు సద్వినియోగం చేసుకోండి

కావేరి వంతెనపై నినాదాలు

వడపళని, ఆర్కేనగర్‌, న్యూస్‌టుడే: తిరుచ్చి శ్రీరంగంలోని మేల చింతామణి, మాంబలసాలైని అనుసంధానం చేసే కావేరి వంతెనపై అందరూ ఓటు హక్కు సద్వినియోగం చేసుకోవాలని పెయింటింగ్‌తో అవగాహన కల్పించారు. ఇందుకోసం 80 మంది కళాకారులు, 90 మంది పెయింటర్లు శ్రమించారు. 540 మీటర్ల పొడవున్న వంతెనపై శనివారం రాత్రి 10 గంటల నుంచి వాహనాల రాకపోకలు అనుమతించలేదు. తిరుచ్చి, తంజావూరు, అరియలూరు నుంచి కళాకారులు, పెయింటర్లు తరలివచ్చారు. తెలుపు, పసుపు రంగులతో సందేశాలు రాశారు. వందశాతం ఓటు హక్కు వినియోగించుకోవాలని, ఎన్నికల ఉత్సవం.. దేశ పండుగ తదితర నినాదాలు రాశారు. వాహనాలు సంచరిస్తున్నా పది రోజుల పాటు దెబ్బతినదని ఆర్టిస్టు జయరాజ్‌ పేర్కొన్నాడు. తిరుచ్చి కలెక్టరు ఎం.ప్రదీప్‌ కుమార్‌.. ఎస్‌వీఈఈపీ వాలంటీర్ల సేవలపై హర్షం వ్యక్తం చేశారు. తమిళం, ఇంగ్లిష్‌లో రాసిన అక్షరాలను డ్రోన్‌ కెమెరాల్లో కూడా బంధించారు. మక్కల్‌ శక్తి ఇయక్కం సభ్యులు మొదటిసారి ఓటు వేస్తున్న వారికి పొన్‌మలై రైల్వే మైదానంలో ఓటు ప్రాముఖ్యతపై అవగాహన కల్పించారు.