ఉత్సాహంగా పడవల పోటీ

పోటీల్లో పాల్గొన్న మత్స్యకారులు

సంక్రాంతి సంబరాల్లో భాగంగా బంగారమ్మపాలెంలో మత్స్యకారులు పడవ (పుట్టీ) పోటీలు నిర్వహించారు. వరాహ నది మొగలో నిర్వహించిన ఈ పోటీలు ఆద్యంతం ఉత్సాహంగా సాగాయి. తీర ప్రాంతాలైన పది గ్రామాలకు చెందిన మత్స్యకారులు పోటీల్లో పాల్గొన్నారు. మొదటి స్థానంలో నిలిచిన నక్కపల్లి మండలం దొండవాకకు చెందిన చెల్లూరి నూకరాజుకు రూ.పది వేలు, రెండో స్థానంలో నిలిచిన రాంబిల్లి మండలం నర్సాపురానికి చెందిన సూరాడ అప్పలరాజుకు రూ.ఐదు వేలు, మూడో స్థానంలో నిలిచిన బంగారమ్మపాలెంకు చెందిన వాసుపల్లి బాబ్జికి రూ.రెండు వేల నగదు బహుమతి అందజేశారు.

-ఎస్‌.రాయవరం, న్యూస్‌టుడే