గడ్చిరోలి పోలీసులకు తప్పిన ప్రమాదం

సంఘటనా స్థలంలో నిర్వీర్యం చేసిన బాంబు

మహదేవపూర్‌, న్యూస్‌టుడే: : జయశంకర్‌ భూపాలపల్లి జిల్లా సరిహద్దు మహారాష్ట్రలోని గడ్చిరోలి జిల్లాలో పోలీసులకు ప్రమాదం తప్పింది. బమ్రాగఢ్‌ సబ్‌ డివిజన్‌ పరిధి పామ్‌కెన్‌ దోదరాజ్‌ అటవీ ప్రాంతంలో నక్సలైట్ల వ్యతిరేక కార్యకలాపాలు ఉన్నందున ప్రత్యేక బలగాలతో గాలింపు చర్యలను చేపట్టారు. ఈ క్రమంలో ఒక కైమోర్‌మైన్‌, రెండు కుక్కర్‌ బాంబులను బాంబు స్క్వాడ్‌ సాయంతో నిర్వీర్యం చేశారు. మందుగుండు తదితర సామగ్రిని స్వాధీనం చేసుకున్నట్లు పోలీసులు పేర్కొన్నారు.