Mumbai-Goa cruise ship: నౌకలో కరోనా కల్లోలం.. 66మందికి పాజిటివ్‌

పనాజీ: కరోనా మహమ్మారి మళ్లీ విజృంభిస్తోంది. ముంబయి నుంచి గోవా వెళ్లిన ఓ కార్డెలియా క్రూజ్‌ నౌకలో కల్లోలం సృష్టిస్తోంది. దాదాపు 2000 మందికి పైగా ప్రయాణికులు, సిబ్బందితో వెళ్తున్న ఈ భారీ నౌకలో 66 మందిలో ఈ వైరస్‌ వెలుగుచూసినట్టు గోవా ఆరోగ్యశాఖ మంత్రి విశ్వజిత్‌ రాణె వెల్లడించారు. ఈ సమాచారాన్ని సంబంధిత కలెక్టర్లకు, ముంబయి పోర్టు ట్రస్ట్‌కు ఇచ్చామనీ.. ప్రయాణికులు నౌక నుంచి బయటకు వచ్చే విషయంలో అధికారులే నిర్ణయం తీసుకుంటారని చెప్పారు. 

నిన్న ఒకరికి కొవిడ్‌ పాజిటివ్‌గా తేలడంతో అధికార యంత్రాంగం అప్రమత్తమైంది. పీపీఈ కిట్లు ధరించి వైద్య బృందాలు అక్కడికి చేరుకొని ప్రయాణికులు, సిబ్బందికి కొవిడ్‌ పరీక్షలు నిర్వహించారు. ఆర్‌టీ-పీసీఆర్‌ పరీక్ష ఫలితాలు వచ్చేదాక ఎవరూ నౌక దిగి వెళ్లొద్దని అధికారులు ఆదేశించారు.  తొలుత ఓ వ్యక్తికి కొవిడ్‌ సోకినట్టు తేలగానే గోవా తీరంలో ఈ భారీ నౌకను నిలిపేందుకు అధికారులు అంగీకరించకపోవడంతో మోర్ముగావ్‌ తీర ప్రాంతంలో నిలిపారు. కరోనా కల్లోలంతో ప్రయాణికులంతా నిన్నటి నుంచి నౌకలోనే చిక్కుకుపోవాల్సి వచ్చింది.

► Read latest National - International News and Telugu News