Updated : 11/05/2020 15:48 IST

నిలకడగా మన్మోహన్‌‌ ఆరోగ్యం

చికిత్సకు స్పందిస్తున్నారు: ఎయిమ్స్‌ వైద్యులు

దిల్లీ: మాజీ ప్రధాని, కాంగ్రెస్‌ సీనియర్‌ నేత మన్మోహన్‌సింగ్‌ ఆరోగ్యం నిలకడగా ఉందని, చికిత్సకు స్పందిస్తున్నారని ఎయిమ్స్‌ వైద్యులు సోమవారం ఉదయం వెల్లడించారు. ఆదివారం సాయంత్రం మన్మోహన్‌ అస్వస్థతకు గురైన సంగతి తెలిసిందే. వెంటనే ఆయనను అఖిల భారత వైద్య విజ్ఞాన సంస్థ (ఎయిమ్స్‌)లో చేర్పించగా పలువురు వైద్య నిపుణులు చికిత్స అందిస్తున్నారు. ప్రస్తుతం మన్మోహన్‌ కోలుకుంటున్నారని, చికిత్సకు స్పందిస్తున్నారని వైద్యులు చెప్పారు. అలాగే ఆయనకు జ్వరం ఉందని, అందుకు గల కారణాలు తెలుసుకునేందుకు ప్రత్యేక వైద్య నిపుణుల పర్యవేక్షణలో ఉంచామని పేర్కొన్నారు. 2004 నుంచి 2014 వరకు ప్రధానమంత్రిగా కొనసాగిన మన్మోహన్‌ సింగ్‌ 2009లో ఇక్కడే బైపాస్‌ సర్జరీ చేయించుకున్నారు. ఇప్పుడు రాజస్థాన్‌ నుంచి రాజ్యసభ సభ్యునిగా కొనసాగుతున్నారు. ఆయన త్వరగా కోలుకోవాలని పార్టీ నేతలు, పలువురు ప్రముఖులు ఆకాంక్షించారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్