మత్తిచ్చి విమానంలో వన్యప్రాణుల తరలింపు

బెంగళూరు (గ్రామీణం), న్యూస్‌టుడే: బ్యాంకాక్‌ నుంచి బెంగళూరులోని కెంపేగౌడ అంతర్జాతీయ విమానాశ్రయానికి అరుదైన వన్యప్రాణులను తీసుకొచ్చిన తమిళనాడుకు చెందిన ఒక మహిళతోపాటు నలుగురిని అధికారులు శనివారం అరెస్టు చేశారు. వీరి నుంచి 14 పాములు, 4 కోతులను స్వాధీనం చేసుకున్నారు. అన్ని ప్రాణులకు మత్తిచ్చి బ్యాగేజ్‌లో ఉంచి తీసుకొచ్చారు. బ్యాంకాక్‌లో వీరు స్కానర్లకు దొరక్కుండా అక్కడి సిబ్బంది సహకరించి ఉంటారని అనుమానిస్తున్నారు. నిందితులు వారి ఫాంహౌస్‌లలో పలు వన్యప్రాణులు, విదేశీ జంతువులు, పక్షులను పెంచుతున్నారని గుర్తించారు.