బాల్య వివాహాలపై ఉక్కుపాదం.. భయంతో మహిళ ఆత్మహత్య

అస్సాం ప్రభుత్వం బాల్య వివాహాలపై కఠినచర్యలకు ఉపక్రమించింది. ఈ కేసుల్లో 2,258 మందిని ఆ రాష్ట్ర పోలీసులు ఇప్పటిదాకా అరెస్టు చేశారు. మంకాచార్‌ జిల్లాలోని ఝౌడాంగ్‌ పబెర్‌ గ్రామంలో ఉంటున్న ఖుష్బూ బేగంకు 12 ఏళ్ల వయసులో తల్లిదండ్రులు పెళ్లి చేశారు. ఇప్పుడామెకు 22 ఏళ్లు.. ఇద్దరు పిల్లలు. 2019లో కొవిడ్‌తో భర్త చనిపోయాడు. రాష్ట్రంలోని తాజా పరిణామాల నేపథ్యంలో.. తనకు బాల్యవివాహం చేసినందుకు తల్లిదండ్రులను అరెస్టు చేస్తారనే భయంతో ఖుష్బూ శనివారం ఆత్మహత్య చేసుకొంది. తల్లిదండ్రులు ఇద్దరినీ కోల్పోయిన పిల్లలు దిక్కుతోచని స్థితిలో ఉన్నారు.