ఇకపై ఓటీటీలోనూ పొగాకు హెచ్చరికలు

దిల్లీ: సినిమా థియేటర్లు, టీవీ కార్యక్రమాల్లో మాదిరిగా ఇకపై ఓటీటీలోనూ పొగాకు సంబంధిత హెచ్చరికలు తప్పనిసరిగా ప్రదర్శించాలని కేంద్రం ఆదేశించింది. కార్యక్రమం ప్రారంభానికి ముందు, మధ్యలో.. పొగాకు దుష్ప్రభావాన్ని వివరించేలా కనీసం 30 సెకన్ల పాటు ప్రకటనను ప్రదర్శించాలని తెలిపింది. ‘ప్రపంచ పొగాకు వ్యతిరేక దినోత్సవం’ సందర్భంగా బుధవారం ఈ మేరకు ‘సిగరెట్లు, ఇతర పొగాకు ఉత్పత్తుల చట్టం- 2004’లో నిబంధనల్ని సడలిస్తూ నోటిఫికేషన్‌ జారీ చేసింది. ఇలాంటి మార్పుచేసిన తొలి దేశంగా నిలిచింది. నిబంధనలు ఉల్లంఘించినవారిపై తీవ్ర చర్యలు తీసుకుంటామని కేంద్రం హెచ్చరించింది.