India Corona: 2,200 కేసులు.. 2,550 రికవరీలు..!

దిల్లీ: దేశంలో కరోనా వ్యాప్తి అదుపులోనే ఉంది. ఆదివారం 2.97 లక్షల మందికి వైద్య పరీక్షలు నిర్వహించగా.. 2,202 మందికి కరోనా పాజిటివ్‌గా తేలింది. గత కొద్ది రోజులుగా కొత్త కేసులు 3 వేలకు దిగువన నమోదు కావడం ఊరటనిస్తోంది. నిన్న పరీక్షల సంఖ్య తగ్గడం కూడా కేసులు తగ్గుదలకు కారణం కావొచ్చు. 24 గంటల వ్యవధిలో 2,550 మంది కొవిడ్ నుంచి కోలుకున్నారు. మహమ్మారి కట్టడిలో ఉండటంతో క్రియాశీల కేసులు 17,317(0.04శాతం)కు తగ్గిపోయాయి. ఇప్పటివరకూ 4.31 కోట్ల మందికి కరోనా సోకింది. అందులో 4.25 కోట్ల మందికి పైగా కోలుకోవడంతో రికవరీ రేటు 98.74 శాతంగా ఉంది. నిన్న 27 మంది ప్రాణాలు కోల్పోగా.. ఇప్పటివరకూ మృతి చెందిన వారి సంఖ్య 5.24 లక్షలు దాటింది. మొత్తంగా 191 కోట్లకు పైగా డోసులు పంపిణీ అయ్యాయని సోమవారం కేంద్రం వెల్లడించింది.