Nityanand Rai: కేంద్ర మంత్రి నిత్యానందరాయ్‌కు కరోనా

దిల్లీ: కేంద్ర హోంశాఖ సహాయ మంత్రి నిత్యానందరాయ్‌ కరోనా బారిన పడ్డారు.తనకు కరోనా పాజిటివ్‌గా నిర్ధారణ అయిందని, హోం ఐసోలేషన్‌లో ఉన్నట్లు, తనను కలిసిన వారు, సన్నిహితంగా ఉన్నవారు జాగ్రత్త వహించాలని హిందీలో ట్వీట్‌ చేశారు. బుధవారం కేంద్ర సాయుధ పోలీసు బలగాల (సీఏపీఎఫ్) చీఫ్‌లు హాజరైన కార్యక్రమంలో పాల్గొన్న రాయ్‌ సీఏపీఎఫ్‌ సిబ్బందికి ఆయుష్మాన్‌ హెల్త్‌ కార్డులు పంపిణీ చేశారు.కార్యక్రమంలో సీఆర్‌పీఎఫ్‌, బీఎస్‌ఎఫ్‌, ఐటీబీపీ, సీఐఎస్‌ఎఫ్‌, ఎస్‌ఎస్‌బీ చీఫ్‌లు పాల్గొన్నారు. ఐజీ ర్యాంక్‌ అధికారి అధ్యక్షత వహించారు. కార్యక్రమం జరిగిన మరుసటి రోజునే కేంద్ర మంత్రికి పాజిటివ్‌గా నిర్ధారణ కావడం గమనార్హం.