Jayamma Panchayathi: వచ్చే నెలలోనే... ‘జయమ్మ పంచాయతీ’

ప్రముఖ యాంకర్‌ సుమ కనకాల ప్రధాన పాత్ర ధారిగా... విజయ్‌కుమార్‌ కలివరపు దర్శకత్వంలో తెరకెక్కుతున్న చిత్రం ‘జయమ్మ పంచాయతీ’. వెన్నెల క్రియేషన్స్‌ పతాకంపై బలగ ప్రకాష్‌ నిర్మిస్తున్నారు. ఈ సినిమాని ఏప్రిల్‌ 22న ప్రేక్షకుల ముందుకు తీసుకొస్తున్నట్టు ఓ వీడియో ద్వారా సోమవారం ప్రకటించాయి చిత్రవర్గాలు. ‘‘పల్లెటూరి డ్రామాతో రూపొందిన చిత్రమిది. ఎవరికీ... దేనికీ లొంగని స్వార్థపూరితమైన పల్లెటూరి మహిళగా  సుమ నటించింది. రామ్‌చరణ్‌ విడుదల చేసిన ఫస్ట్‌లుక్‌కీ, నాని విడుదల చేసిన తొలి పాటకి, రానా దగ్గుబాటి విడుదల చేసిన టీజర్‌కి మంచి స్పందన లభించింది రాజమౌళి చేతులమీదుగా టైటిల్‌ సాంగ్‌  విడుదలైంది. తప్పకుండా చిత్రం ప్రేక్షకుల్ని అలరిస్తుంద’’ని సినీ వర్గాలు తెలిపాయి. ఈ చిత్రానికి సంగీతం: ఎమ్‌.ఎమ్‌.కీరవాణి, ఛాయాగ్రహణం: అనూష్‌కుమార్‌, కూర్పు: రవితేజ గిరిజాల.