FIR: ఉగ్రదాడి ఎవరు చేశారు?

విష్ణు విశాల్‌ కథానాయకుడిగా నటిస్తూ,  ఆయన స్వయంగా నిర్మించిన డార్క్‌ యాక్షన్‌ థ్రిల్లర్‌ చిత్రం ‘ఎఫ్‌.ఐ.ఆర్‌’. మను ఆనంద్‌ దర్శకుడు. కథానాయకుడు రవితేజ సమర్పిస్తున్నారు. అభిషేక్‌ నామా ఈ చిత్రాన్ని తెలుగులో విడుదల చేస్తున్నారు. తెలుగు, తమిళ భాషల్లో ఏకకాలంలో ప్రేక్షకుల ముందుకు రానున్న ఈ సినిమా ట్రైలర్‌ని కథానాయకుడు నాని గురువారం విడుదల చేశారు. ఉగ్రవాదం నేపథ్యంలో సాగే చిత్రమిది. ఈ కథలో ఉగ్రదాడికి పాల్పడింది ఎవరు? ద్రోహి అనే ముద్ర ఎవరిపై పడిందనే విషయం కీలకమని ట్రైలర్‌నిబట్టి స్పష్టమవుతోంది. మంజిమామోహన్‌, రెబా మోనికాజాన్‌ తదితరులు నటించారు.