భయం.. ఆజ్ఞానం.. అమాయకత్వం.. విశ్వాసమే ఆ సింహాసనానికి నాలుగు కాళ్లు

‘‘జిల్లాకు సుప్రీమ్‌ అథారిటీ కలెక్టర్‌.. నేను ఆ సుప్రీమ్‌ అథారిటీని’’ అంటున్నారు సాయితేజ్‌. ఆయన హీరోగా దేవ్‌ కట్టా తెరకెక్కించిన చిత్రం ‘రిపబ్లిక్‌’. జె.భగవాన్‌, జె.పుల్లారావు నిర్మించారు. ఐశ్వర్య రాజేశ్‌ కథానాయిక. జగపతిబాబు, రమ్యకృష్ణ కీలక పాత్రలు పోషించారు. పొలిటికల్‌ థ్రిల్లర్‌గా రూపొందిన ఈ సినిమా అక్టోబరు 1న విడుదల కానుంది. బుధవారం ఈ చిత్ర ట్రైలర్‌ను చిరంజీవి విడుదల చేశారు. ఈ సందర్భంగా ఆయన మాట్లాడుతూ ‘‘భగవంతుడి దీవెనలు, ప్రేక్షకాభిమానుల ఆశీస్సులతో సాయితేజ్‌ ఆస్పత్రిలో త్వరగా కోలుకుంటున్నారు. తను త్వరలోనే మన మధ్యకు వస్తాడు. ట్రైలర్‌ చూస్తుంటే రోమాలు నిక్కబొడుచుకుంటున్నాయి’’ అన్నారు.

ఇక ప్రచార చిత్రం విషయానికొస్తే ‘‘మీ భయం..అజ్ఞానం..అమాయకత్వం...విశ్వాసమే.. ఆ సింహాసనానికి నాలుగు కాళ్లు...’’ అని సాయితేజ్‌, ‘‘అజ్ఞానం గూడు కట్టిన చోటే మోసం గుడ్లు పెడుతుంది’’ అని రమ్యకృష్ణ చెప్పే మాటలు ఆకట్టుకున్నాయి.