..ఇదీ అజిత్ అంటే..!
స్టార్ హోదా అనుభవిస్తూ సైకిల్పై ప్రయాణించడం..! ఒక్కో చిత్రంతో కోట్ల రూపాయల వసూళ్లు సాధిస్తూ సాధారణ వ్యక్తిగా ఉండటం ఎవరికి సాధ్యం? ఎంత ఎదిగితే అంత ఒదిగి ఉండే మనస్తత్వం ఎవరి సొంతం?
స్టార్ హోదా అనుభవిస్తూ సైకిల్పై ఎవరు ప్రయాణం చేయగలరు? ఒక్కో చిత్రంతో కోట్ల రూపాయల వసూళ్లు సాధిస్తూ సాధారణ వ్యక్తిగా ఉండటం ఎవరికి సాధ్యం? ఎంత ఎదిగితే అంత ఒదిగి ఉండే మనస్తత్వం ఎవరి సొంతం? పడినా లేచి యథాస్థితికి చేరుకునే ధైర్యం ఎవరిది? ఇలాంటి అసాధారణ ప్రశ్నలకు ఓ సమాధానమే అజిత్. సింప్లిసిటీకి కేరాఫ్గా నిలిచే ఈ నటుడి పుట్టిన రోజు నేడు. ఈ సందర్భంగా అజిత్లో దాగి ఉన్న మరికొన్ని కోణాల్ని ఓసారి చూద్దామా..
ఇక్కడే పుట్టారు..
సుబ్రహ్మమణియన్- మోహిని దంపతులకు 1971 మే 1న హైదరాబాద్లో జన్మించారు అజిత్. ఈయనకు ఇద్దరు సోదరులు. ఉన్నత విద్య అభ్యసించడాని కంటే ముందే కుటుంబ సన్నిహితుడి ద్వారా ఓ ప్రముఖ కంపెనీలో అప్రెంటీస్ మెకానిక్గా చేరారు అజిత్. అది వాళ్ల నాన్నకి నచ్చకపోవడంతో మరొక సన్నిహితుడి ప్రమేయంతో వస్త్ర ఎగుమతి సంస్థలో చేరారు. అలా వ్యాపారంలో మెళకువలు నేర్చుకున్నారు. అక్కడే ఇంగ్లిష్లో మాట్లాడే నైపుణ్యం సంపాదించారు. కొన్నాళ్లకు ఆ ఉద్యోగానికి రాజీనామా చేసి ముగ్గురు స్నేహితులతో కలిసి సొంత వ్యాపారాన్ని ప్రారంభించారు. దాంతోపాటు మోడలింగ్కి సంబంధించి ఏదో ఒకటి చేయాలనే ఆలోచన కలిగింది అజిత్కి. అలా ఓసారి ప్రముఖ మోటారు కంపెనీకి వెళ్లినప్పుడు ఛాయాగ్రాహకుడు పీసీ శ్రీరామ్ అజిత్లోని నటుడ్ని గుర్తించారు. ఆ మెకానిక్కే ఇప్పుడు తలా అజిత్గా మారి సంచనాలు సృష్టిస్తున్నారు.
తలా.. ఇలా వచ్చింది
1990లో ‘ఎన్ వీడు ఎన్ కనవర్’ అనే చిత్రంతో నటుడిగా తెరంగ్రేటం చేశారు అజిత్. అందులో ఓ చిన్న పాత్రకి పరిమితమైనా ఆయన 1993లో ‘అమరావతి’ సినిమాతో కథానాయకుడిగా మారారు. అదే సంవత్సరంలో ‘ప్రేమ పుస్తకం’ అనే తెలుగు చిత్రంలో నటించారు. అజిత్ నటించిన ఏకైక తెలుగు సినిమా ఇదే. ‘ప్రియురాలి పిలిచింది’, ‘వాలి’ సినిమాలతో తెలుగు ప్రేక్షకుల్నీ ఆకట్టుకున్నారు. లవర్బాయ్, క్లాస్ పాత్రల్లో కనిపించిన అజిత్ని మాస్ ప్రేక్షకుల్లోకి తీసుకెళ్లిన చిత్రం ‘ధీన’. ఎ.ఆర్. మురుగదాస్ తెరకెక్కించిన ఈ చిత్రం బాక్సాఫీసు వద్ద వసూళ్ల వర్షం కురిపించింది. నటుడిగా ఆయన స్థాయిని పెంచింది. అందులో పోషించిన పాత్ర పేరే అభిమానులు పిలుచుకునే ముద్దుపేరైంది. తమిళం, తెలుగుతోపాటు ‘ఆశోక’ అనే హిందీ చిత్రంలో షారుఖ్ఖాన్తో కలిసి నటించారు. ‘విలన్’, ‘జి’, ‘ఆల్వార్’, ‘కిరీదం’, ‘బిల్లా’, ‘బిల్లా 2’, ‘ఆరంభం’, ‘వీరం’, ‘వేదాళం’, ‘వివేగం’, ‘విశ్వాసం’, ‘నేర్కొండ పార్వై’ తదితర చిత్రాలు అజిత్ నట విశ్వరూపానికి నిదర్శనం. అజిత్ ప్రస్తుతం ‘వలిమై’ సినిమాలో నటిస్తున్నారు. ఈ సినిమా అప్డేట్ కావాలంటూ క్రికెట్ మైదానంలోనూ ఇటీవల అభిమానులు కోరడం అందరినీ ఆశ్చర్యానికి గురి చేసింది. అజిత్ ఫాలోయింగ్ని అందరికీ తెలియజేసింది. ఇలా అటు కోలీవుడ్లో, ఇటు టాలీవుడ్లోనూ విశేష అభిమాన గణాన్నే కాదు అనేక అవార్డులు రివార్డుల్ని సొంతం చేసుకున్నారు.
పడినా లేచి..
తొలి సినిమా విడుదల తర్వాత రేసింగ్ వైపు మనసు మళ్లింది అజిత్కి. ఆ శిక్షణా సమయంలోనే ఆయన వెన్నెముకకి తీవ్ర గాయమైంది. మూడు శస్త్ర చికిత్సలు కాగా సుమారు రెండేళ్లు విశ్రాంతి తీసుకున్నారు. కోలుకున్నాక పలు సహాయ పాత్రల్లో నటించారు. ‘ఆశై’ అనే సినిమాతో మళ్లీ ఫామ్లోకి వచ్చారు. అందులోని అజిత్ నటనకు విమర్శకులు సైతం ప్రశంసలు కురిపించారు. సినీ కెరీర్ పరంగా అప్పటి నుంచి ఆయన వెనుతిరిగి చూడలేదు. రేసింగ్లో ఓ సారి దెబ్బతగిలిందని అక్కడితో దాన్ని వదిలేయలేదు అజిత్. దాన్నీ ఓ కెరీర్గా ఎంచుకున్నారు. ఎన్నో విదేశీ పోటీల్లో పాల్గొన్ని సత్తా చాటారు. రేసరే కాదు అజిత్లో ఫొటోగ్రాఫర్, చెఫ్ కూడా ఉన్నారు. ఆ సంగతులివీ..
రేసర్గా అజిత్..
‘బీఎండబ్ల్యూ ఆసియా ఛాంపియన్షిప్ జరుగుతున్నప్పుడు మొదటిసారి నేను అజిత్ని కలిశాను. ఆయన పెద్ద స్టార్ అయినప్పటికీ అందరితోనూ వినయంగా ఉంటారని అప్పుడే తెలిసింది. బ్రెజిల్ రేసర్ ఐర్టన్ సెన్నాకి అజిత్ వీరాభిమాని తను. సెన్నాకి నివాళిగా హెల్మెట్ మీద పసుపు రంగు పెయింటింగ్ని తీర్చిదిద్దారు అజిత్. బైక్ ట్రిప్కి వెళ్లే అవకాశం వచ్చిన సమయంలో ఓసారి అజిత్ ఇంటికి వెళ్లాను. తన గ్యారేజీలో ఉన్న కార్లని చూసి ఆశ్చర్యపోయాను. కార్లు ఎక్కువగా ఉండటం గొప్ప విషయం కాదు వాటిని ఎంత జాగ్రత్తగా చూస్తున్నామో అన్నదే పాయింట్. దాన్ని నేను అజిత్ నుంచి నేర్చుకున్నాను. రైడింగ్ అంటే అజిత్కి ప్యాషన్ అనే సంగతి అందరికీ తెలిసిందే. ఉత్సాహం ఉంది కదా అని ఇష్టమొచ్చినట్టు వాహనాల్ని నడపకూడదు అంటుంటారాన. నీ దగ్గర రాకెట్ వేగంతో దూసుకెళ్లే బైక్ ఉన్నంత మాత్రాన ముందూ వెనకా చూడకుండా ఉంటే ఎలా? అని ప్రశ్నిస్తారు. ఇదీ ఆయన పద్ధతి. అజిత్ నిజంగా మంచి వ్యక్తేనా అని చాలామంది నన్ను అడుగుతుంటారు. అవును.. అజిత్ గురించి మీరు విన్నదంతా వందశాతం నిజం అని సమాధానం ఇస్తుంటాను నేను’ అని ప్రముఖ రేసర్ సుహైల్ ఓ సందర్భంలో అజిత్తో తనకున్న అనుబంధాన్ని పంచుకున్నారు.
చెఫ్గా..
అజిత్ రేసర్ మాత్రమే కాదు మంచి వంట మనిషి కూడా. షూటింగ్ లేని రోజున ఆయన బిర్యానీని ఘుమఘుమలాడించేస్తారు. దానికి కావాల్సిన పదార్థాలు సైతం అజితే తీసుకెళ్తారు. 2011లో అజిత్ నివాసానికి దగ్గర్లో విజయ్ హీరోగా రూపొందిన ‘వేలాయుధం’ చిత్రీకరణ జరిగింది. ఈ విషయం తెలుసుకున్న అజిత్ చిత్ర బృంద సభ్యులందర్నీ ఆహ్వానించి, తనే స్వయంగా భోజనం ఏర్పాటు చేశారు. అదీ అజిత్ మనసు.
ఫొటోగ్రాఫర్గా..
గ్యారేజీలో బైకులు, కార్లు ఉన్నట్లే అజిత్ ఇంటి అలమరాల్లో కెమెరాలు, వాటికి సంబంధించిన బోలెడు లెన్సులు ఉంటాయనే సంగతి కొంతమందికే తెలుసు. వాటిని చూసి ‘బిల్లా’ (తమిళం) చిత్ర ఫొటోగ్రాఫర్ చిట్టునే షాక్ అయ్యాడంటే అజిత్కి ఫొటోగ్రఫీపై ఎంత ఆసక్తి ఉందో అర్థమవుతుంది. ఎప్పటికప్పుడు అప్డేట్ అవుతూ కొత్త మోడళ్ల గురించి అవగాహన పెంచుకుంటుంటారు. సినిమాటోగ్రఫీపై అజిత్కి ఆసక్తి మాత్రమే కాదు మంచి అవగాహన ఉంది. కొన్ని సందర్భాల్లో ఆయనే ఫొటోగ్రాఫర్గా మారిపోతారు. సెట్లో ఉండే లైట్మెన్ నుంచి అగ్ర తార వరకు అందరినీ తన కెమెరాతో అందంగా బంధిస్తారు. ఇదీ అజిత్ వ్యక్తిత్వం. చెన్నైలో పెద్ద స్టూడియో నిర్మించాలనేది అజిత్ కల.
ఫ్లయర్గా..షూటర్..
రయ్రయ్మంటూ విహంగ వీక్షణం చేయడం అజిత్కి మహా సరదా. విద్యార్థి దశ నుంచే గగనతలంలో ప్రయాణించే వాటిపై మక్కువ చూపేవారాయన. వయసుతోపాటు ఆ ఆసక్తి పెరుగుతూ వచ్చింది. సినిమాలతో తనెంత బిబీగా ఉన్నా ఎయిర్క్రాఫ్టులు నడపడం నేర్చుకున్నారు. ఇక అజిత్కు గన్ షూటింగ్లోనూ ప్రావీణ్యం ఉంది. తమిళనాడు స్టేట్ షూటింగ్ ఛాంపియన్షిప్లో చెన్నై రైఫిల్ క్లబ్ టీమ్కు ఆయన ప్రాతినిధ్యం వహించి అద్భుత ప్రదర్శన కనబరిచారు. ఇటీవల జరిగిన పోటీల్లో ఆయన ఆరు పతకాలను గెలుచుకోగా.. అందులో నాలుగు స్వర్ణ పతకాలు.
ప్రేమ.. పెళ్లి
‘అమర్కలం’ అనే చిత్రం షూటింగ్ సమయంలో నాయిక షాలినితో ప్రేమలో పడ్డారు అజిత్. 2000లో ఈ ఇద్దరు ఒక్కటయ్యారు. వీరికి ఇద్దరు పిల్లలు.
సంపన్నుడిగా..
ప్రతిఏటా ఫోర్బ్స్ ప్రకటించే అత్యంత సంపాదన కలిగిన ప్రముఖుల జాబితాలో మూడుసార్లు నిలిచారు అజిత్.
బైక్పై సవారి..
గతేడాది హైదరాబాద్లో చిత్రీకరణ జరుపుకుంది ‘వలిమై’ చిత్రం. సంబంధిత షెడ్యూల్ పూర్తికాగానే బైక్పై సుదీర్ఘ ప్రయాణం చేసి ఆశ్చర్యానికి గురిచేశారు. ఆ ఫొటోలు నెట్టింట వైరల్ అయిన విషయం తెలిసిందే.
థియేటర్ల వద్ద కటౌట్లు పెట్టొద్దు, పాలాభిషేకాలు చేయొద్దు, ఎలాంటి హంగామా, వేడుకలు వద్దు.. ఇవీ తన సినిమా విడుదలకు ముందు అభిమానులకి అజిత్ చెప్పే మాటలు. ఆయన ప్రవర్తనకు ప్రేక్షకులే కాదు సినీ ప్రముఖులూ ఫిదా అవుతుండటం విశేషం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?
తాజా వార్తలు (Latest News)
-
కిందపడేసి, మోకాలితో అదిమిపెట్టి.. అమెరికాలో పోలీసుల కర్కశత్వం
-
సునీల్ నరైన్కు థ్యాంక్స్.. శశాంక్ ఓ అద్భుతం: బెయిర్స్టో
-
రెచ్చిపోయిన మిలిటెంట్లు.. సీఆర్పీఎఫ్ శిబిరంపై 2 గంటల పాటు కాల్పుల వర్షం
-
పింఛన్ల పంపిణీపై ఏపీ ప్రభుత్వానికి ఈసీ ఆదేశాలు
-
జగనన్న పన్నాగం.. పల్లెలకు పంగనామం..!
-
అన్నమయ్య జిల్లాలో తెదేపా ప్రచార వాహనానికి నిప్పు