మహేశ్‌ ఆనందం.. రష్మిక వర్కౌ‌ట్స్‌

సోషల్‌లుక్‌: సినీ తారల విశేషాలు..

* వ్యాయామం విషయంలో ఏ మాత్రం రాజీపడకూడదని కథానాయిక రష్మిక అంటున్నారు. ‘నీకు సాధించాలని ఉంటే.. వెళ్లి అందుకో’ అంటూ జిమ్‌ వీడియో షేర్‌ చేశారు. అందులో ఆమె అధిక బరువును లిఫ్ట్‌ చేసి, అందర్నీ ఆశ్చర్యపరిచారు.

* అగ్ర కథానాయకుడు మహేశ్‌బాబుకు స్పా చేయించుకోవడం అంటే చాలా ఇష్టమట. కరోనాకు ముందు ట్రిప్‌లో తీసిన ఫొటోను నమ్రత షేర్‌ చేశారు. కామాలయా రిసార్ట్‌లో తీసుకున్న ఫొటో అదని తెలిపారు. నిజంగానే మహేశ్‌ ముఖం ఫొటోలో చాలా ఆనందంగా కనిపించింది.

* యువ కథానాయకుడు విజయ్‌ దేవరకొండ కొత్త లుక్‌లో కనిపించి, సర్‌ప్రైజ్‌ చేశారు. గౌరవ్‌ గుప్తా డిజైన్‌ చేసిన తెలుపు రంగు కుర్తాలో మెరిశారు. ఈ సందర్భంగా తీసిన ఫొటోలు వైరల్‌గా మారాయి.

* నటి హంస నందిని ఈ వారాంతాన్ని అందమైన కొండల్లో గడుపుతున్నారట. ఈ విషయాన్ని తెలుపుతూ ఆమె వీడియో షేర్‌ చేశారు. పచ్చని చెట్ల మధ్య పాస్తా చేసి, చూపించారు.
* కథానాయిక రకుల్‌ ప్రీత్‌ సింగ్‌ తన బృందంతో కలిసి తీసుకున్న వీడియో షేర్‌ చేశారు. సినిమా షూటింగ్ పూర్తయిన తర్వాత ప్రతిసారి తమ టీం ఇలా కేక్‌ కట్ చేస్తుందని పేర్కొన్నారు. తను అందంగా కనిపించడానికి కారణం వారేనని తెలిపారు.