vishwambhara: సంక్రాంతి బరిలోనే విశ్వంభర

జనవరి 10న విడుదల

‘విశ్వంభర’ చిత్రంతో వచ్చే ఏడాది సంక్రాంతి బరిలో సందడి చేయనున్నారు కథానాయకుడు చిరంజీవి. ఈ విషయాన్ని చిత్ర వర్గాలు ఇప్పటికే ప్రకటించగా.. ఇప్పుడు విడుదల తేదీపైనా స్పష్టత ఇచ్చారు. ఈ సినిమాని 2025 జనవరి 10న ప్రేక్షకుల ముందుకు తీసుకురానున్నారు. శుక్రవారం చిరు ఈ చిత్ర షూటింగ్‌లోకి అడుగు పెట్టినట్లు తెలియజేస్తూ.. విడుదల తేదీని ప్రకటించారు. సోషియో ఫాంటసీ అడ్వెంచర్‌ థ్రిల్లర్‌గా ముస్తాబవుతున్న ఈ సినిమా కోసం 13 భారీ సెట్‌లతో ఓ ప్రత్యేక ప్రపంచాన్ని సృష్టిస్తోంది చిత్ర బృందం. వశిష్ఠ దర్శకత్వం వహిస్తున్న ఈ సినిమాని యూవీ క్రియేషన్స్‌ సంస్థ భారీ బడ్జెట్‌తో నిర్మిస్తోంది. దీనికి ఎం.ఎం.కీరవాణి సంగీతమందిస్తుండగా.. ఛోటా కె.నాయుడు ఛాయాగ్రాహకుడిగా వ్యవహరిస్తున్నారు.