KG Jayan: ప్రముఖ సంగీత దర్శకుడు కేజీ జయన్‌ మృతి

ప్రముఖ మలయాళీ సంగీత దర్శకుడు కేజీ జయన్‌(90) కన్నుమూశారు. కొంత కాలంగా అనారోగ్య సమస్యలతో బాధపడుతున్న ఆయన.. చికిత్స తీసుకుంటూ కేరళలోని త్రిపుణితురలోని తన నివాసంలో మంగళవారం తుదిశ్వాస విడిచారు. కేజీ జయన్‌ తన సోదరుడైన దివంగత విజయన్‌తో కలిసి ‘జయవిజయ’ పేరుతో ఎన్నో అయ్యప్ప భక్తి గీతాలను ఆలపించి ప్రశంసలు అందుకున్నారు. 1000కి పైగా పాటలను రూపొందించిన ఆయన పలు మలయాళ, తమిళ చిత్రాలకు స్వరాలు అందించారు. కేజీ జయన్‌.. 2019లో పద్మశ్రీ పురస్కారాన్ని అందుకున్నారు. నటుడు మనోజ్‌ కే జయన్‌ ఈయన కుమారుడు. కేజీ జయన్‌ మృతి పట్ల పలువురు సినీప్రముఖులు, రాజకీయ నాయకులు సంతాపం వ్యక్తం చేశారు.