Ghani: బాక్సర్‌గా వరుణ్‌తేజ్‌.. పాత్ర కోసం ఇంత కష్టపడ్డాడా..!

ఇంటర్నెట్‌ డెస్క్‌: యువ నటుడు వరుణ్‌తేజ్‌ తొలిసారి నటించిన స్పోర్ట్స్‌ డ్రామా చిత్రం ‘గని’. కిరణ్‌ కొర్రపాటి దర్శకత్వం వహించిన ఈ సినిమా ఏప్రిల్‌ 8న ప్రేక్షకుల ముందుకు రానుంది. ఈ సందర్భంగా చిత్ర బృందం మేకింగ్‌ వీడియోను విడుదల చేసింది. నటులు అల్లు అర్జున్‌, సాయిధరమ్‌ తేజ్‌ సెట్స్‌లో చేసిన సందడితో పాటు బాక్సింగ్‌ సన్నివేశాలను ఎలా తెరకెక్కించారో, నాయకా నాయికలు డ్యాన్స్‌ ఎలా చేశారో ఈ వీడియోలో చూడొచ్చు. బాక్సర్‌ పాత్ర కోసం వరుణ్‌తేజ్‌ ఎంత కష్టపడ్డాడో ఆయన చేసిన కసరత్తులు చూస్తే అర్థమవుతోంది. ఈ చిత్రంలో వరుణ్‌ సరసన బాలీవుడ్‌ భామ సయీ మంజ్రేకర్‌ సందడి చేయనుంది. సునీల్‌శెట్టి, ఉపేంద్ర, జగపతిబాబు, నవీన్‌ చంద్ర కీలక పాత్రలు పోషించారు. అల్లు బాబీ, సిద్ధూ సంయుక్తంగా నిర్మించిన ఈ సినిమాని ప్రముఖ నిర్మాత అల్లు అరవింద్‌ సమర్పిస్తున్నారు. తమన్‌ సంగీతం అందించారు.