Janhvi Kapoor: జాన్వీ గూఢఛర్యం!

గ్లామర్‌ పాత్రల కంటే కూడా కొత్తదనం నిండిన కథలతో ప్రయాణం చేస్తోంది యువ కథానాయిక జాన్వీ కపూర్‌ (Janhvi Kapoor). ఈ మధ్యే ఆమె నటించిన ‘మిలీ’ ప్రేక్షకుల ముందుకొచ్చింది. సినిమా విజయం సాధించలేదు కానీ జాన్వీ నటనకు మాత్రం మంచి ప్రశంసలు దక్కాయి. తాజాగా ఆమె ఓ స్పై థ్రిల్లర్‌ చిత్రంలో నటించడానికి ఓకే చెప్పినట్లు తెలుస్తోంది. జంగ్లీ పిక్చర్స్‌ భారీ స్థాయిలో ‘ఉలఝ్‌’ అనే చిత్రాన్ని నిర్మిస్తోంది. ఇందులో ఓ స్పైగా నటిస్తోందట జాన్వీ. మూడు ప్రధాన పాత్రల చుట్టూ సాగే ఈ కథలో మరో కీలక పాత్రలో మలయాళ నటుడు రోషన్‌ మాథ్యూ నటిస్తున్నాడు. మూడో పాత్రలో ఓ సీనియర్‌ నటుడు నటించే అవకాశాలున్నాయి. సుధాన్షు సరియా ఈ చిత్రానికి దర్శకుడు. ‘రాజీ’ తర్వాత ఈ సంస్థ నుంచి వస్తోన్న మరో మహిళా ప్రాధాన్య చిత్రమిది.