Love Today Review: రివ్యూ: లవ్ టుడే
యువ ప్రేమకథా చిత్రం ‘లవ్ టుడే’ ఎలా ఉందంటే..?
Love Today Review చిత్రం: లవ్ టుడే; నటీనటులు: ప్రదీప్ రంగనాథన్, ఇవానా, రవీనా రవి, యోగిబాబు, రాధిక శరత్కుమార్, సత్యరాజ్, అక్షయ ఉదయ్కుమార్, తదితరులు; ఛాయాగ్రహణం: దినేశ్ పురుషోత్తమన్; కూర్పు: ప్రదీప్ ఇ.రాఘవ్; సంగీతం: యువన్ శంకర్ రాజా; నిర్మాణం: కల్పాతి ఎస్.అఘోరం, కల్పాతి ఎస్.గణేశ్, కల్పాతి ఎస్.సురేష్; రచన, దర్శకత్వం: ప్రదీప్ రంగనాథన్; తెలుగులో విడుదల: దిల్రాజు, విడుదల తేదీ: 25-11-2022
తమిళంలో విజయవంతమైన చిత్రం ‘లవ్ టుడే’. ప్రదీప్ రంగనాథన్ స్వయంగా రచించి, దర్శకత్వం వహించిన ఈ సినిమాలో ఆయనే నటుడు. నవతరం ఆలోచనలు, వాళ్ల ప్రేమల్ని ఆధారంగా చేసుకుని రూపొందిన ఈ సినిమాని తెలుగులో దిల్రాజు ప్రేక్షకుల ముందుకు తీసుకొచ్చారు. ఆసక్తి రేకెత్తించే ట్రైలర్, దిల్రాజు సంస్థ నుంచి విడుదలవుతుండడంతో సినిమాపై అంచనాలు ఏర్పడ్డాయి. అందుకు తగ్గట్టుగా సినిమా ఉందో? లేదో? తెలుసుకునే ముందు కథేమిటో చూద్దాం.
కథేమిటంటే: ఐటీ ఉద్యోగి అయిన ఉత్తమన్ ప్రదీప్ (ప్రదీప్ రంగనాథన్), నిఖిత (ఇవానా) ప్రేమించుకుంటారు. గాఢమైన ప్రేమలో మునిగి తేలుతున్న ఆ ఇద్దరూ పెళ్లితో ఒక్కటి కావాలనుకుంటారు. ఇంతలోనే ఆ జంట ప్రేమ విషయం నిఖిత ఇంట్లో తెలుస్తుంది. ఆమె తండ్రి శాస్త్రి (సత్యరాజ్) ఒకసారి ప్రదీప్ని ఇంటికి తీసుకురమ్మని చెబుతాడు. ఇద్దరి ప్రేమని అంగీకరిస్తాడు. అయితే.. ఓ షరతు విధిస్తాడు. ఒక రోజంతా ఒకరి ఫోన్ని మరొకరు మార్చుకోవాలనేది ఆ షరతు. ఒకరి ఫోన్లు మరొకరు చూసుకున్నాక కూడా ఆ జంట పెళ్లికి సిద్ధమైందా? తన ప్రేయసి ఫోన్లో అబ్బాయిలతో సందేశాలు చూశాక ప్రదీప్ ఎలా స్పందించాడు? ప్రదీప్ ఫోన్లో యాప్స్, ఇతర సందేశాలు చూశాక ఆమె పరిస్థితి ఏమిటి? ఆ ఇద్దరూ ఫోన్లు మార్చుకున్నాక ఎలాంటి సమస్యలు తలెత్తాయి? చివరికి ఇద్దరికీ పెళ్లైందా? లేదా? తదితర విషయాలతో మిగతా కథ సాగుతుంది.
ఎలా ఉందంటే: కథంతా ట్రైలర్లోనే చెప్పేశారు. మరి ఈ అంశం చుట్టూ మిగతా కథని ఎలా నడిపారనే ఆసక్తి సగటు ప్రేక్షకుడిలో కలుగుతుంది. నవతరం ప్రేమలు, వాళ్ల సెల్ఫోన్ అలవాట్లనే నేపథ్యంగా దర్శకుడు ఈ కథని అల్లుకున్నాడు. ప్రేక్షకులకు వెంటనే కనెక్ట్ అయ్యే కథ ఇది. మనం ఏమిటనేది మన ఫోన్లే చెబుతాయనేది తరచూ వినిపించే మాట. ఆ అంశాన్ని రెండు జంటలతో ముడిపెట్టి హాస్యభరితంగా కథనాన్ని తీర్చిదిద్దిన విధానం బాగుంది. పది నిమిషాల్లోనే కథలో లీనం చేస్తుందీ చిత్రం. నటీనటులు ఫోన్లు మార్చుకున్నాక అసలు సంఘర్షణ మొదలవుతుంది. అప్పటిదాకా ఒకరికొకరు ఎలా కనిపించారు? సెల్ఫోన్లలో ఒకరు చేసిన ఛాటింగ్ని మరొకరు చూశాక, ఒకరి బ్రౌజింగ్ హిస్టరీ మరొకరు చూశాక ఒకరి అలవాట్లు మరొకరికి తెలిసిన తర్వాత వాళ్లు ఎలా మారారు? ఆ క్రమంలో పండే హాస్యం, భావోద్వేగాలు సినిమాకి హైలైట్గా నిలుస్తాయి. ఈ జంట ఒక్కటే కాదు, మరో జంట చుట్టూ అల్లిన సన్నివేశాలతో ఉపకథని కూడా సినిమాలో మిళితం చేయడం, నమ్మకం అనే విషయాన్ని స్పృశించడం బాగుంది. ప్రథమార్ధం సినిమా వేగంగా సాగుతుంది, చక్కటి హాస్యం పంచుతుంది. ద్వితీయార్ధంలో అక్కడక్కడా సాగదీతగా అనిపిస్తుంది. మంచి రచన ఈ సినిమాకి ప్రధాన బలం. అందరికీ తెలిసిన అంశమే అయినా ఆసక్తి, హాస్యం పండేలా సన్నివేశాల్ని తీర్చిదిద్దడం దర్శకుడి పనితనానికి తార్కాణం. కథలు ఎక్కడి నుంచో పుట్టుకురావని, మన చుట్టూనే ఉన్నాయని రుజువు చేసిన మరో చిత్రమిది.
ఎవరెలా చేశారంటే: ప్రదీప్ రంగనాథన్ రచయితగా, దర్శకుడిగా ఎంత ప్రభావం చూపించాడో, నటుడిగా కూడా అంతే ఆకట్టుకున్నాడు. సహజమైన ఈ కథకి, పాత్రకి అతికినట్టు అనిపిస్తాడు. ఇవానా కూడా చక్కటి అభినయం ప్రదర్శించింది. వేణు శాస్త్రిగా సత్యరాజ్ చిన్న పాత్రలోనే కనిపిస్తారు. కానీ కథని మలుపు తిప్పే పాత్ర అది. రాధికా శరత్కుమార్ కథానాయకుడి తల్లిగా కనిపిస్తుంది. యోగిబాబు, రవీనా పాత్రలు సినిమాకి ప్రధానబలం. సాంకేతికంగా సినిమా ఉన్నతంగా ఉంది. ఎడిటింగ్, సంగీతం చాలా బాగా కుదిరాయి. దర్శకుడు ప్రదీప్ రంగనాథన్ రచనకి తగ్గట్టుగానే ఇతర విభాగాలన్నీ పనిచేశాయి. నిర్మాణం బాగుంది.
బలాలు
1.హాస్యం, 2.కథ, కథనం, 3.నటీనటులు
బలహీనతలు
1. ద్వితీయార్ధంలో సాగదీత, 2. ఘాటుగా అనిపించే కొన్ని సన్నివేశాలు
చివరిగా: ‘లవ్ టుడే’.. నవ్వించే నవతరం సినిమా
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?