Dil Raju: దిల్‌రాజును పరామర్శించిన రామ్ చరణ్‌..

ఇంటర్నెట్‌ డెస్క్‌: టాలీవుడ్‌ అగ్ర నిర్మాత దిల్‌రాజు ఇంట విషాదం నెలకొన్న సంగతి తెలిసిందే. ఆయన తండ్రి శ్యామ్‌ సుందర్‌ రెడ్డి సోమవారం కన్నుమూశారు. గత కొంతకాలంగా అనారోగ్యంతో బాధపడుతోన్న ఆయన చికిత్స పొందుతూ తుది శ్వాస విడిచారు. నేడు అంత్యక్రియలు పూర్తయ్యాయి. పలువురు సినీ, రాజకీయ ప్రముఖులు దిల్‌రాజును పరామర్శిస్తున్నారు.  దిల్‌రాజు తండ్రి అంత్యక్రియల్లో నటుడు ప్రకాశ్‌రాజ్‌ కూడా పాల్గొన్నారు. తనవంతు ధైర్యం చెప్పారు. ప్రకాశ్‌ రాజ్‌ను చూసిన దిల్‌రాజు ఒక్కసారిగా ఏడవడం అక్కడున్న వారందరినీ కంటతడి పెట్టించింది. హీరో రామ్ చరణ్‌, దిల్‌రాజు ఇంటికి వెళ్లి ఆయనకు ధైర్యం చెప్పారు. దీనికి సంబంధించిన ఫొటోలను పలు నిర్మాణసంస్థలు పంచుకున్నాయి. అలాగే ఇండస్ట్రీలోని ప్రముఖులు కూడా సోషల్ మీడియా వేదికగా సంతాపం తెలుపుతున్నారు.