#NisChay: ‘వెల్‌కమ్‌ టు ది ఫ్యామిలీ బావ’

హైదరాబాద్‌: మెగా డాటర్‌ నిహారిక-చైతన్యల నిశ్చితార్థ వేడుక గురువారం రాత్రి ఘనంగా జరిగిన సంగతి తెలిసిందే. కరోనా నిబంధనల కారణంగా అతి కొద్దిమంది కుటుంబ సభ్యులు, అతిథులు మాత్రమే ఈ వేడుకలో పాల్గొన్నారు. ఈ వేడుకకు సంబంధించిన ఫొటోలు ఇప్పటికే సామాజిక మాధ్యమాల వేదికగా చక్కర్లు కొడుతున్నాయి.

తాజాగా నిహారిక-చైతన్యల నిశ్చితార్థాన్ని పురస్కరించుకుని రామ్‌చరణ్‌, వరుణ్‌తేజ్‌లతో పాటు సినీ రంగానికి చెందిన పలువురు నటులు కొత్త జంటకు శుభాకాంక్షలు చెప్పారు.  నిధి అగర్వాల్‌, సుశాంత్‌, రీతూ వర్మ తదితరులు నిహారిక-చైతన్యలకు శుభాకాంక్షలు చెప్పిన వారిలో ఉన్నారు.

‘‘ప్రియమైన సోదరి నిహారిక-చైతన్యలకు శుభాకాంక్షలు. మీరు జీవితంలో మరింత అత్యుత్తమంగా ఉండాలి. నిశ్చితార్థం సందర్భంగా మీకు ఇవే నా శుభాకాంక్షలు’’- ట్విటర్‌లో చరణ్‌

‘‘నా చిన్నారి సోదరి నిశ్చితార్థం జరిగింది. మా కుటుంబంలోకి స్వాగతం బావ’’ -ట్విటర్‌లో వరుణ్‌ తేజ్‌

‘‘మీ జంటకు శుభాకాంక్షలు’’-రానా