Rana Daggubati: ‘యానిమల్‌’తో పోలుస్తూ ‘రానా నాయుడు’పై రానా కామెంట్‌..

ఇంటర్నెట్‌ డెస్క్‌: రానా (Rana), వెంకటేశ్‌ (Venkatesh) ప్రధాన పాత్రల్లో నటించిన వెబ్‌సిరీస్‌ ‘రానా నాయుడు’ (Rana Naidu). నెట్‌ఫ్లిక్స్‌ (Netflix) వేదికగా విడుదలై బ్లాక్‌బస్టర్‌ విజయాన్ని అందుకుంది. అయితే, ఈ సిరీస్ వచ్చిన తొలినాళ్లలో ఎన్నో వివాదాలు ఎదుర్కొన్న సంగతి తెలిసిందే. దీన్ని ‘యానిమల్‌’తో పోలుస్తూ తాజాగా రానా కామెంట్‌ చేశారు. ‘‘ఎంతోమంది ‘రానా నాయుడు’ వెబ్‌ సిరీస్‌ని విమర్శించారు. ఇటీవల ‘యానిమల్‌’ విడుదలైంది. అది చూశాక.. ప్రేక్షకులకు ఆ సిరీస్‌లో నా పాత్ర చాలా డీసెంట్‌గా కనిపించింది. నేను ఎప్పుడూ మంచి కథలపైనే ఆసక్తి చూపుతాను. ఆ సిరీస్‌ ఒక కుటుంబంలో జరిగిన గ్యాంగ్‌స్టర్‌ డ్రామా. ప్రేక్షకులను ఎంతో ఆకట్టుకుంది. కొన్ని ఇబ్బందికరమైన అంశాలు ఉన్నప్పటికీ ఎంతో ధైర్యంగా దీన్ని తెరకెక్కించాం. నాకు ఈ స్టోరీ నచ్చింది కాబట్టే వెంటనే ఓకే చేశాను’’ అని ఓ ఇంటర్వ్యూలో చెప్పారు.

మలయాళంలో రూ.150కోట్లు కొల్లగొట్టిన మూవీ.. ఓటీటీలో స్ట్రీమింగ్‌ ఎప్పుడంటే?

అమెరికన్‌ టీవీ సిరీస్‌ ‘రే డొనోవన్‌’కు రీమేక్‌గా ఇది సిద్ధమైంది. రానా, ఆయన బాబాయ్‌ వెంకటేశ్‌ మొదటిసారి ఈ సిరీస్‌ కోసం స్క్రీన్‌ షేర్‌ చేసుకున్నారు. యాక్షన్‌, క్రైమ్‌ డ్రామాగా వచ్చిన ఇందులో వీరిద్దరూ తండ్రీ కొడుకులుగా నటించారు. నెట్‌ఫ్లిక్స్‌లో అత్యధిక వ్యూస్‌ను సొంతం చేసుకున్న ఈ సిరీస్‌కు త్వరలోనే సీక్వెల్‌ రానుంది. మరెన్నో ట్విస్టులు, మరింత ఫ్యామిలీ డ్రామాతో ‘రానా నాయుడు-2’త్వరలో విడుదల కానున్నట్లు నిర్మాణసంస్థ తెలిపింది. దీనికి కరణ్‌ అన్షుమాన్‌, సుపర్ణ్‌ వర్మ సంయుక్తంగా దర్శకత్వం వహించారు. లోకోమోటీవ్‌ గ్లోబల్‌ మీడియా పతాకంపై సుందర్‌ ఆరోన్‌ నిర్మించారు.