Samantha: మనస్ఫూర్తిగా ప్రేమిస్తున్నా: సమంత

హైదరాబాద్‌: అగ్రకథానాయిక సమంత కెరీర్‌లో స్పీడ్‌ పెంచారు. ఓ వైపు ప్రేమకథా చిత్రాలు, మరోవైపు యాక్షన్‌ ఎంటర్‌టైనర్స్‌తో వరుస సినిమాలు పట్టాలెక్కిస్తున్నారు. ఆమె కథానాయికగా నటించిన కోలీవుడ్‌ చిత్రం ‘కాతు వక్కుల రెందు కాదల్‌’ తాజాగా ప్రేక్షకుల ముందుకు వచ్చి మంచి స్పందన సొంతం చేసుకుంది. సినిమాలో సామ్‌ నటన బాగుందంటూ ప్రశంసలు దక్కాయి. మరోవైపు గురువారంతో సామ్‌ 35వ వసంతంలోకి అడుగుపెట్టారు. దీంతో సోషల్‌మీడియా వేదికగా అభిమానులు, ప్రముఖులు శుభాకాంక్షలు తెలిపారు.

కాగా, తనకి పుట్టినరోజు, సినిమా విజయానికి సంబంధించి విషెస్‌ తెలిసిన వారందరికీ శుక్రవారం ఉదయం సామ్‌ థ్యాంక్యూ చెప్పారు. ‘నా పుట్టినరోజు నాడు మీరు నాపై చూపించిన ప్రేమాభిమానాలకు ధన్యవాదాలు. మీ అందరి ప్రోత్సాహం, ప్రేరణ, సానుకూలతలకు నేను ఎప్పటికీ కృతజ్ఞురాలినే. మనస్ఫూర్తిగా నేను మీ అందర్నీ ప్రేమిస్తున్నా. ఈ ఏడాదిని మరింత ధైర్యంగా ఎదుర్కొనేందుకు మీరు నాలో ఉత్సాహాన్ని నింపారు’’ అని సామ్‌ రాసుకొచ్చారు.