Vishal: విశాల్‌ కొత్త ప్రయాణం

ఇప్పటిదాకా నటనతో అలరించిన సీనియర్‌ నటుడు విశాల్‌.. దర్శకుడిగా కొత్త ప్రయాణాన్ని ప్రారంభించనున్నారు. గతంలో ఆయన నటించిన ‘డిటెక్టివ్‌’ మంచి విజయాన్ని అందుకుంది. దానికి కొనసాగింపుగా ‘డిటెక్టివ్‌ 2’ రాబోతున్నట్లు తెలుపుతూ.. ఈ సినిమాతో దర్శకుడిగా పరిచయమవుతున్నట్టు ఎక్స్‌ వేదికగా వెల్లడించారు. ‘‘25 ఏళ్ల తరవాత నా కొత్త ప్రయాణం ప్రారంభమైంది. నా కల, కోరిక..జీవితంలో నేను ఎలా ఉండాలని మొదట్లో అనుకున్నానో అది నిజం కాబోతుంది. నా దర్శకత్వంలో తెరకెక్కుతున్న ‘డిటెక్టివ్‌ 2’ ప్రాజెక్టు కోసం లండన్‌ బయలు దేరాం. నటుడిగా నాకు మంచి గుర్తింపు ఇచ్చిన మీ అందరికీ ధన్యవాదాలు. ఇప్పుడు దర్శకుడిగా నా ప్రయత్నానికీ మీ సహకారం ఉంటుందని కోరుకుంటున్నాను’’ అని చెప్పుకొచ్చారు విశాల్‌.