Nara Lokesh: న్యూయార్క్‌లో ఘనంగా నారా లోకేశ్‌ జన్మదిన వేడుకలు

న్యూయార్క్‌: తెదేపా జాతీయ ప్రధాన కార్యదర్శి నారా లోకేశ్‌ జన్మదిన వేడుకలను మన్నవ మోహనకృష్ణ యూత్ ఆధ్వర్యంలో అమెరికాలోని న్యూయార్క్ నగరంలో ఘనంగా నిర్వహించారు. ప్రఖ్యాత టైం స్క్వేర్ వద్ద డిజిటల్ స్క్రీన్‌పై ఆయన వీడియో, చిత్రాలను ప్రదర్శించి కేక్‌ కట్‌ చేశారు. ఈ వేడుకల్లో భారీ సంఖ్యలో ప్రవాసాంధ్రులు పాల్గొని లోకేశ్‌కు పుట్టినరోజు శుభాకాంక్షలు తెలిపారు. అనంతరం మన్నవ మోహన కృష్ణ యూత్ సభ్యులు టైం స్క్వేర్ వద్ద ‘జై లోకేశ్‌.. జై జై లోకేశ్‌’ నినాదాలతో హోరెత్తించారు. ఈ సందర్భంగా సభ్యులు మాట్లాడుతూ వైకాపా ప్రభుత్వ అరాచకాలను, అక్రమాలను ప్రజలకు తెలియజేస్తూ, యువగళం పాదయాత్రతో నారా లోకేశ్‌ ప్రజలకు మరింత చేరువయ్యారని అన్నారు. ఆయన ఇలాంటి పుట్టినరోజు వేడుకలు మరెన్నో చేసుకోవాలని ఆకాంక్షించారు.