వ్యాక్సిన్లకు అనుమతిపై కాంగ్రెస్ భిన్న వాదనలు
కొవిడ్ నిరోధానికి దేశీయ ఔషధ దిగ్గజ సంస్థ భారత్ బయోటెక్ రూపొందించిన కొవాగ్జిన్, ఆక్స్ఫర్డ్- ఆస్ట్రాజెనెకా సౌజన్యంతో సీరం ఇన్స్టిట్యూట్ అభివృద్ధి చేసిన కొవిషీల్డ్ టీకాల అత్యవసర వినియోగానికి ఔషధ నియంత్రణ సంస్థ ( డీసీజీఐ) అనుమతి ఇవ్వడంపై కాంగ్రెస్ భిన్న వాదనలు వినిపిస్తోంది. ఓవైపు ఆ పార్టీ ప్రధాన అధికార,,,
దిల్లీ: కొవిడ్ నిరోధానికి దేశీయ ఔషధ దిగ్గజ సంస్థ భారత్ బయోటెక్ రూపొందించిన కొవాగ్జిన్, ఆక్స్ఫర్డ్- ఆస్ట్రాజెనెకా సౌజన్యంతో సీరం ఇన్స్టిట్యూట్ అభివృద్ధి చేసిన కొవిషీల్డ్ టీకాల అత్యవసర వినియోగానికి ఔషధ నియంత్రణ సంస్థ (డీసీజీఐ) అనుమతి ఇవ్వడంపై కాంగ్రెస్ భిన్న వాదనలు వినిపిస్తోంది. ఓవైపు ఆ పార్టీ ప్రధాన అధికార ప్రతినిధి రణదీప్ సూర్జేవాలా టీకాలను అభివృద్ధి చేసిన శాస్త్రవేత్తలను ప్రశంసిస్తుండగా.. ఆ పార్టీలోని కొందరు నేతలు మాత్రం వ్యతిరేక అభిప్రాయం వ్యక్తం చేస్తున్నారు. కాంగ్రెస్ సీనియర్ నేతలు ఆనంద్ శర్మ, జైరాం రమేశ్, శశిథరూర్ తదితర నేతలు డీసీజీఐ టీకాలను అనుమతి ఇవ్వడాన్ని తప్పుపడుతున్నారు. మూడో విడత ప్రయోగాల ఫలితాలు తేలకముందే టీకాల వినియోగానికి ఎలా ఆమోదం తెలుపుతారని ప్రశ్నించారు. దీనిపై ఆరోగ్యశాఖ మంత్రి హర్షవర్ధన్ సరైన వివరణ ఇవ్వాలని డిమాండ్ చేశారు. నిపుణుల కమిటీ సూచన మేరకు అత్యవసర వినియోగ అనుమతులకు డీసీజీఐ అనుమతి ఇచ్చిన విషయం తెలిసిందే.
ఏ దేశంలోనూ మూడో విడత ప్రయోగాలు పూర్తి కాకుండా అత్యవసర వినియోగానికి కూడా వ్యాక్సిన్ను అనుమతించలేదని ఆనంద్ శర్మ అన్నారు. ఇంత ఆదరాబాదరాగా అనుమతులు ఇవ్వడంపై కేంద్ర ఆరోగ్యశాఖ వివరణ ఇవ్వాలని డిమాండ్ చేశారు. ఫ్రంట్లైన్ వర్కర్లకు తొలుత ఈ వ్యాక్సిన్ ఇస్తామంటున్నారని, వారి ఆరోగ్యానికి భరోసా ఎవరు?అని ఆయన ప్రశ్నించారు. ప్రయోగాలు పూర్తికాక ముందే వ్యాక్సిన్ వినియోగానికి అనుమతులివ్వడం మంచి పద్ధతి కాదని, ప్రజల ఆరోగ్యానికే అది ముప్పుగా మారుతుందని మరో కాంగ్రెస్ నేత శశిథరూర్ అన్నారు. ప్రస్తుతానికి ఆస్ట్రాజెనెకాతో ముందుకెళ్లవచ్చని, మూడో విడత ప్రయోగాలు పూర్తయిన తర్వాతే కొవాగ్జిన్కు అనుమతివ్వాలని ఆయన అన్నారు.
మూడో విడత ప్రయోగాలపై అంతర్జాతీయంగా నిబంధనలేమైనా మార్చారా? అని మరో కాంగ్రెస్ నేత జైరాం రమేశ్ కేంద్ర ఆరోగ్యశాఖ మంత్రి హర్షవర్ధన్ ప్రశ్నించారు. మరోవైపు కాంగ్రెస్ నేతల విమర్శలను కేంద్ర గృహ, పట్టణాభివృద్ధిశాఖ మంత్రి హర్దీప్ సింగ్ పూరీ కొట్టి పారేశారు. ప్రతి అంశాన్నీ రాజకీయం చేస్తున్నారని మండిపడ్డారు. గతంలో సైనికుల త్యాగాలను కూడా ప్రశ్నించారని, ఇప్పుడు వ్యాక్సిన్ విషయంలోనూ రాజకీయాలకు పోతున్నారని విమర్శించారు. ప్రజల ఆరోగ్యంతో ఆటలు ఆడుకుంటున్నారని దుయ్యబట్టారు.
ఇవీ చదవండి
కొవాగ్జిన్ టీకా వినియోగానికి డీసీజీఐ అనుమతి!
వ్యాక్సిన్ అనుమతిపై WHO ఏమందంటే..!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వైకాపాకు మరో షాక్.. మాజీ మంత్రి డొక్కా రాజీనామా
ఎన్నికల వేళ వైకాపాకు మరో షాక్ తగిలింది. దళిత వర్గానికి చెందిన సీనియర్ నేత, మాజీ మంత్రి డొక్కా మాణిక్య వరప్రసాద్ ఆ పార్టీకి గుడ్బై చెప్పారు. -
రాజ్యసభ సభ్యులుగా మరో ముగ్గురి ప్రమాణం
రాజ్యసభకు కొత్తగా ఎన్నికైన మరో ముగ్గురు భాజపా సభ్యులు గురువారం ప్రమాణం చేశారు. రాజ్యసభ ఛైర్మన్ జగదీప్ ధన్ఖడ్ పార్లమెంటులో వారందరితో ప్రమాణం చేయించారు. -
తెదేపా జాతీయ ప్రధాన కార్యదర్శిగా పనబాక లక్ష్మి
తెలుగుదేశం పార్టీ జాతీయ ప్రధాన కార్యదర్శిగా కేంద్ర మాజీ మంత్రి పనబాక లక్ష్మిని పార్టీ అధినేత చంద్రబాబు నియమించారు. -
అప్పుల కోసం జీఎస్డీపీని పెంచేశారు
అప్పుల కోసం రాష్ట్ర స్థూల ఉత్పత్తి (జీఎస్డీపీ)ని వైకాపా ప్రభుత్వం విపరీతంగా పెంచి చూపుతోందని తెదేపా అధికార ప్రతినిధి నీలాయపాలెం విజయ్కుమార్ ధ్వజమెత్తారు. -
దిల్లీ మేయర్ ఎన్నికలు వాయిదా
వివాదాస్పదంగా మారిన దిల్లీ నగరపాలక సంస్థ మేయర్, డిప్యూటీ మేయర్ ఎన్నికలు వాయిదా పడ్డాయి. ముందుగా నిర్ణయించిన ప్రకారం ఈ ఎన్నికలు శుక్రవారం జరగాల్సి ఉంది. -
వచ్చే నెల 27న పట్టభద్రుల ఎమ్మెల్సీ ఉప ఎన్నిక
వరంగల్-ఖమ్మం-నల్గొండ పట్టభద్రుల ఎమ్మెల్సీ నియోజకవర్గ ఉప ఎన్నిక నిర్వహణకు కేంద్ర ఎన్నికల సంఘం(ఈసీఐ) గురువారం షెడ్యూలు విడుదల చేసింది.
తాజా వార్తలు (Latest News)
-
ఆల్విన్ ఫార్మా పరిశ్రమలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్
-
కావ్యా మారన్పై మీమ్స్.. విరాట్పై సోడా బాటిల్ జోక్స్
-
ఫోన్ ట్యాపింగ్ కేసులో నిందితుల బెయిల్ పిటిషన్లపై తీర్పు
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?