Sania Mirza: సానియా కొడుకు సందడి 

ఈ చిత్రంలోని చిన్నారి ఇజాన్‌ మీర్జా మాలిక్‌. కోర్టులో అమ్మ సానియా ఆడుతూ ఆకట్టుకుంటుంటే... కోర్టు బయట నుంచి ఆమెను ఉత్సాహపరుస్తూ అందరి చూపులను తనవైపు తిప్పుకుంటున్నాడు ఈ చిన్నారి. మ్యాచ్‌లు అయిన వెంటనే తన కుమారుణ్ని ముద్దాడుతూ సానియా మురిసిపోతోంది. మిక్స్‌డ్‌ డబుల్స్‌ రెండో రౌండ్లో సానియా, బోపన్న జోడీ విజయం అనంతరం కోర్టులో వారి సంబరాల్లో కూడా ఇజాన్‌ పాలుపంచుకున్నాడు. బోపన్నకు హైఫైవ్‌ కూడా ఇచ్చాడు. ప్రేక్షకులూ ఇజాన్‌ను చూసి సంతోషించారు. మిక్స్‌డ్‌ రెండో రౌండ్లో సానియా-బోపన్న జంట 6-3, 6-1తో అయిదన్‌ మెక్‌హూ, ఎమిలి వెబ్లే స్మిత్‌ (బ్రిటన్‌) జోడీపై విజయం సాధించింది.