MI vs GT: చెన్నైని ఢీకొట్టేదెవరో?
గుజరాత్ టైటాన్స్.. లీగ్ దశ చివరి మ్యాచ్లో బెంగళూరును ఓడించి ముంబయికి ప్లేఆఫ్స్ మార్గం సుగమం చేసిన జట్టు. కానీ ఇప్పుడు అదే ముంబయితో ఐపీఎల్- 16 ఫైనల్లో చోటు కోసం తలపడనుంది.
ముంబయి × గుజరాత్
క్వాలిఫయర్-2 నేడే
గెలిచిన జట్టుకు సీఎస్కేతో ఫైనల్
రాత్రి 7.30 నుంచి
గుజరాత్ టైటాన్స్.. లీగ్ దశ చివరి మ్యాచ్లో బెంగళూరును ఓడించి ముంబయికి ప్లేఆఫ్స్ మార్గం సుగమం చేసిన జట్టు. కానీ ఇప్పుడు అదే ముంబయితో ఐపీఎల్- 16 ఫైనల్లో చోటు కోసం తలపడనుంది. శుక్రవారమే ఈ రెండు జట్ల మధ్య రెండో క్వాలిఫయర్. ఎలిమినేటర్లో లఖ్నవూపై భారీ విజయంతో రెట్టించిన ఉత్సాహంతో ముంబయి ఉండగా.. తొలి క్వాలిఫయర్లో చెన్నై చేతిలో ఓడిన గుజరాత్ ఈసారి అవకాశాన్ని వదలొద్దనే పట్టుదలతో ఉంది. రెండు బలమైన జట్ల మధ్య హోరాహోరీ సమరం ఖాయమని భావిస్తున్నారు. మరి తుదిపోరులో చెన్నై సూపర్ కింగ్స్ను ఢీ కొట్టేది ఎవరో?
అహ్మదాబాద్
ఐపీఎల్- 16 ప్లేఆఫ్స్ సమరం చెన్నై నుంచి అహ్మదాబాద్కు మారింది. శుక్రవారం రెండో క్వాలిఫయర్లో డిఫెండింగ్ ఛాంపియన్ గుజరాత్ టైటాన్స్తో అయిదు సార్లు విజేత ముంబయి ఇండియన్స్ పోటీపడనుంది. భిన్న దారుల్లో లీగ్ దశ దాటిన ఈ రెండు జట్లకూ.. ప్లేఆఫ్స్లోనూ భిన్న ఫలితాలు ఎదరయ్యాయి. లీగ్ దశలో 10 విజయాలతో అగ్రస్థానంలో నిలిచిన టైటాన్స్ తొలి క్వాలిఫయర్లో చెన్నై చేతిలో ఓడగా.. ఎనిమిది విజయాలతో కష్టపడి ముందంజ వేసిన ముంబయి ఎలిమినేటర్లో లఖ్నవూపై అద్భుత విజయాన్ని అందుకుంది. ఇప్పుడీ రెండు జట్లు ఫైనల్లో చోటు కోసం తలపడుతున్నాయి. బలాబలాల పరంగా చూస్తే రెండు జట్లు సమవుజ్జీలుగానే కనిపిస్తున్నాయి. మరి ముంబయి ఏడో సారి టైటిల్ పోరు చేరుతుందా? లేదా టైటాన్స్ వరుసగా రెండో సారి ఆఖరి సమరానికి సై అంటుందా? అన్నది చూడాలి.
ఆ ఇద్దరూ..: వరుసగా రెండు ఓటములతో సీజన్ను ఆరంభించి.. తడబాటును దాటి.. ముంబయి ఫైనల్కు అడుగు దూరంలో నిలవడం ఆ జట్టు పట్టుదల, పోరాట పటిమకు నిదర్శనం. ప్రస్తుతానికి ఆ జట్టులో ఇద్దరు యువ ఆటగాళ్లు సంచలన ప్రదర్శనతో చెలరేగుతున్నారు. ఒకరు పేసర్ ఆకాశ్ మధ్వాల్ కాగా.. మరొకరు ఆల్రౌండర్ కామెరూన్ గ్రీన్. మందకొడిగా కనిపించిన చెన్నై పిచ్పై లఖ్నవూతో పోరులో గ్రీన్ బ్యాట్తో సత్తాచాటగా.. ఆకాశ్ ఏకంగా అయిదు వికెట్లతో విజృంభించాడు. దీంతో 81 పరుగుల తేడాతో భారీ విజయం ముంబయి సొంతమైంది. సన్రైజర్స్పై శతకంతో అదరగొట్టిన గ్రీన్, గత మ్యాచ్లోనూ విలువైన పరుగులు సాధించాడు. ఇక సూర్యకుమార్ కూడా జోరు మీదున్నాడు. ఆఖర్లో నేహాల్ వధెరా కూడా రాణిస్తున్నాడు. కాస్త విరామం తర్వాత తిరిగి జట్టులోకి వచ్చిన తిలక్ వర్మతో పాటు రోహిత్ శర్మ, ఇషాన్, టిమ్ డేవిడ్తో ముంబయి బ్యాటింగ్ పటిష్టంగా ఉంది. ఈ బ్యాటింగ్ ఆర్డర్ను కట్టడి చేయడం గుజరాత్ బౌలింగ్ దళానికి సవాలే. ఏ ముగ్గురు ఆటగాళ్లు పరుగుల వేటలో విజయవంతమైనా టైటాన్స్కు ఇబ్బందులు తప్పవు. ఇక ఐపీఎల్లో ప్రమాదకర రషీద్ ఖాన్ బౌలింగ్లో సూర్య ఒక్కసారి కూడా ఔటవలేదు. రషీద్పై సూర్య ఆధిపత్యానికి ఇది నిదర్శనం. మరోవైపు ముంబయి బౌలర్లలో యువ సంచలనం ఆకాశ్ గురించే చర్చంతా. సన్రైజర్స్తో పోరులో నాలుగు వికెట్లు పడగొట్టి జట్టు ప్లేఆఫ్స్ చేరడంలో కీలక పాత్ర పోషించిన అతను.. లఖ్నవూపై 3.3-0-5-5 బౌలింగ్ గణాంకాలతో అబ్బురపరిచాడు. జోర్డాన్ కూడా ఈ మ్యాచ్లో మంచి ప్రదర్శనే చేశాడు. వీళ్లతో పాటు వెటరన్ స్పిన్నర్ పియూష్ చావ్లా (15 మ్యాచ్ల్లో 21 వికెట్లు), బెరెన్డార్ఫ్ (14 వికెట్లు) కూడా సత్తాచాటుతున్నారు. మరోసారి ఈ బౌలింగ్ విభాగం రాణిస్తే ముంబయికి తిరుగుండదు. ఇక లఖ్నవూపై విజయం ఆ జట్టు ఆత్మవిశ్వాసాన్ని పెంచింది. స్టార్ ఆటగాళ్లు దూరమైనా సమష్టి ప్రదర్శనతో సత్తాచాటగలమని ఈ గెలుపుతో ప్రత్యర్థికి ముంబయి హెచ్చరిక జారీచేసింది.
బ్యాటింగ్ గాడిన పడితే..: లీగ్ దశను గొప్పగా ముగించిన గుజరాత్ తొలి క్వాలిఫయర్లో కంగుతింది. బ్యాటర్లు విఫలమవడంతో ఆ జట్టు ఓటమి పాలైంది. లోపాలు సరిదిద్దుకుని ఫైనల్ చేరడానికి రెండో అవకాశాన్ని ఉపయోగించుకోవాలనే సంకల్పంతో టైటాన్స్ ఉంది. బ్యాటింగ్ పరంగా చూస్తే ఆ జట్టు యువ ఓపెనర్ శుభ్మన్ గిల్పై అతిగా ఆధారపడినట్లు కనిపిస్తోంది. సంచలన ఫామ్లో ఉన్న గిల్ ఇప్పటికే రెండు శతకాలు బాదేశాడు. 15 మ్యాచ్ల్లో 722 పరుగులతో టోర్నీలో అత్యధిక పరుగులు చేసిన ఆటగాళ్లలో డుప్లెసిస్ (730) తర్వాత రెండో స్థానంలో ఉన్నాడు. కానీ అతను నిలకడగా రాణిస్తున్నా మిగతా బ్యాటర్ల వైఫల్యం జట్టుకు ప్రతికూలంగా మారింది. గిల్ తర్వాత టైటాన్స్లో అత్యుత్తమ బ్యాటింగ్ ప్రదర్శన విజయ్ శంకర్ (301)దే. అతని కంటే గిల్ 421 పరుగులు ఎక్కువ చేయడం గమనార్హం. దీన్ని బట్టి ఆ జట్టులో మిగతా బ్యాటర్ల ప్రదర్శన ఎలా ఉందో అర్థం చేసుకోవచ్చు. కెప్టెన్ హార్దిక్ పాండ్యతో పాటు మిల్లర్, సాహా, తెవాతియా బ్యాట్తో మెరిస్తేనే టైటాన్స్ గెలిచే అవకాశాలు మెరుగుపడతాయి. బౌలింగ్లో పేసర్ షమితో పాటు అఫ్గాన్ స్పిన్ ద్వయం రషీద్ ఖాన్, నూర్ అహ్మద్ నిలకడగా రాణిస్తున్నారు. 15 మ్యాచ్ల్లో 26 వికెట్లతో షమి, 25 వికెట్లతో రషీద్.. అత్యధిక వికెట్ల వీరుల జాబితాలో వరుసగా తొలి రెండు స్థానాల్లో ఉన్నారు. ఈ నేపథ్యంలో ముంబయి బ్యాటర్లకు, గుజరాత్ బౌలర్లకు మధ్య రసవత్తర పోరు ఖాయం. మరి సొంతగడ్డపై మ్యాచ్ ఆడుతుండడాన్ని గుజరాత్ ఏ మేరకు సద్వినియోగం చేసుకుంటుందో చూడాలి.
పిచ్ ఎలా ఉందంటే..
అహ్మబాద్లోని నరేంద్ర మోదీ స్టేడియంలో జరిగే ఈ మ్యాచ్లో భారీ స్కోర్లు నమోదయ్యే అవకాశం ఉంది. పిచ్ బ్యాటింగ్కు చక్కగా సహకరించనుంది. అలాగే మంచి పేస్, బౌన్స్ లభించే పిచ్ను రూపొందించినట్లు సమాచారం. టాస్ గెలిచిన జట్టు ఛేదనకే మొగ్గు చూపే అవకాశముంది. ఛేదనలో మంచు ప్రభావం పెద్దగా ఉండకుండా తగిన చర్యలు తీసుకుంటున్నారు.
తుది జట్లు (అంచనా):
ముంబయి ఇండియన్స్: ఇషాన్, రోహిత్ శర్మ, గ్రీన్, సూర్యకుమార్, తిలక్, టిమ్ డేవిడ్, షోకీన్/నేహాల్, జోర్డాన్, చావ్లా, బెరెన్డార్ఫ్, ఆకాశ్
గుజరాత్ టైటాన్స్: శుభ్మన్, సాహా, హార్దిక్, విజయ్ శంకర్, మిల్లర్, సుదర్శన్/అభినవ్ మనోహర్, రాహుల్ తెవాతియా, రషీద్ ఖాన్, నూర్ అహ్మద్, మోహిత్ శర్మ, షమి
1-1
ఈ సీజన్లో గుజరాత్, ముంబయి మధ్య జరిగిన రెండు మ్యాచ్ల్లో చెరొకటి గెలిచాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మన దగ్గర ఇదే సమస్య.. హార్దిక్ గురించి పిల్లలకూ చెబుతాం: వసీమ్ అక్రమ్
హార్దిక్పై విమర్శలను ఇకనైనా ఆపాలని మాజీ క్రికెటర్లు ఫ్యాన్స్కు కీలక సూచనలు చేశారు. అతడిని ట్రోలింగ్ చేయడం సరి కాదని పేర్కొన్నారు. -
కెమెరామెన్కు సారీ చెప్పిన పంత్.. ఎందుకో తెలుసా?
హైదరాబాద్ చేతిలో భారీ ఓటమితో కుదేలైన దిల్లీకి ఊరటనిచ్చే విజయం దక్కింది. గుజరాత్పై నాలుగు పరుగుల తేడాతో గెలిచింది. -
హైదరాబాద్కు ‘ఉప్పల్’ అడ్డా.. బెంగళూరుపై ఈసారి స్కోరెంత?
భాగ్యనగర వాసులకు మళ్లీ ఐపీఎల్ సందడి వచ్చేసింది. గురువారం బెంగళూరుతో హైదరాబాద్ (Hyderabad Vs Bengaluru) తలపడనుంది. -
ఐపీఎల్లో భారీ స్కోర్లు అందుకే..: శుభ్మన్ గిల్
Shubman Gill: ఈ ఐపీఎల్ సీజన్లో భారీ స్కోర్లు నమోదవుతున్న విషయం తెలిసిందే. దీనికి ఓ కారణం ఉందని శుభ్మన్ గిల్ తెలిపాడు. -
తాగి చెస్ ఆడా.. ప్యాంట్లో మూత్రం పోసుకున్నా..
చెస్ మేటి మాగ్నస్ కార్ల్సన్ ఇటీవల ఓ కొత్త సవాలును స్వీకరించాడు. సత్యశోధన పరీక్ష (లై డిటెక్టర్ టెస్ట్)లో తన చెస్ కెరీర్, వ్యక్తిగత జీవితంపై అనేక ప్రశ్నలకు సమాధానమిచ్చాడు. -
మోహిత్.. చెత్త రికార్డు
గుజరాత్ టైటాన్స్ పేసర్ మోహిత్ శర్మ చెత్త రికార్డును ఖాతాలో వేసుకున్నాడు. ఓ ఐపీఎల్ మ్యాచ్లో అత్యధిక పరుగులు ఇచ్చిన బౌలర్గా అతను రికార్డులకెక్కాడు. -
దిల్లీ గట్టెక్కింది
ఐపీఎల్-17లో తడబడుతూ సాగుతున్న దిల్లీ క్యాపిటల్స్.. ప్లేఆఫ్స్ అవకాశాలు సన్నగిల్లుతున్న సమయంలో ఓ కీలక విజయం సాధించింది. బుధవారం ఆ జట్టు గుజరాత్ టైటాన్స్ను 4 పరుగుల స్వల్ప తేడాతో ఓడించింది. -
పొట్టి కప్పులో ఎవరు?
వెస్టిండీస్, అమెరికా ఉమ్మడిగా ఆతిథ్యమిస్తున్న టీ20 ప్రపంచకప్ కోసం 15 మంది జట్టుతో పాటు అయిదుగురు రిజర్వ్ ఆటగాళ్లనూ ప్రకటించేందుకు బీసీసీఐ సెలక్షన్ కమిటీ కసరత్తులు చేస్తోంది. -
300 కొట్టేస్తారా?
ఈ సీజన్లో సన్రైజర్స్ హైదరాబాద్ నమోదు చేసిన రికార్డులివీ. ఐపీఎల్ చరిత్రలోనే అత్యధిక స్కోర్లతో రికార్డులు తిరగరాస్తున్న సన్రైజర్స్ పొట్టి లీగ్లో ప్రకంపనలు సృష్టిస్తోంది. -
ఫైనల్లో జ్యోతి జట్టు
ఆర్చరీ ప్రపంచకప్లో భారత ఆర్చర్ల దూకుడు కొనసాగుతోంది. విజయవాడ అమ్మాయి జ్యోతి సురేఖ జట్టు కాంపౌడ్ మహిళల విభాగంలో ఫైనల్లో అడుగుపెట్టింది. -
దీపాన్షుకు జావెలిన్ స్వర్ణం
ఆసియా అండర్-20 అథ్లెటిక్స్ ఛాంపియన్షిప్స్ తొలి రోజు, బుధవారం భారత అథ్లెట్లు సత్తా చాటారు. పురుషుల జావెలిన్ త్రోలో దీపాన్షు శర్మ స్వర్ణం గెలుచుకున్నాడు. -
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
T20 Worldcup 2024 - BCCI: వచ్చే టీ20 ప్రపంచకప్ కోసం ఏ 15 మందిని ఎంపిక చేస్తే బాగుంటుంది. -
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
ఐపీఎల్లో ఫినిషర్గా అదరగొడుతున్న ఎంఎస్ ధోనీ (MS Dhoni)ని టీ20 వరల్డ్కప్నకు ఎంపిక చేయాలనే ఆలోచనను పలువురు మాజీలు కోరుతున్నారు.
తాజా వార్తలు (Latest News)
-
ఆడి కార్ల ధర పెంపు.. ఎప్పటి నుంచంటే?
-
కేంద్రమంత్రి ఆడియో క్లిప్ లీక్ చేయమన్నారు: రాజస్థాన్ మాజీ సీఎం గహ్లోత్పై ఆరోపణలు
-
ఫోన్ ట్యాపింగ్ కేసులో కీలక పరిణామం.. నిందితులపై సైబర్ టెర్రరిజం సెక్షన్లు
-
మన దగ్గర ఇదే సమస్య.. హార్దిక్ గురించి పిల్లలకూ చెబుతాం: వసీమ్ అక్రమ్
-
‘యానిమల్’ టూ రామాయణ’.. రణబీర్ ట్రాన్స్ఫర్మేషన్ షేర్ చేసిన ట్రైనర్
-
రూ.29కే జియోసినిమా ప్రీమియం.. యాడ్ ఫ్రీ కంటెంట్, 4K వీడియో క్వాలిటీ