Afghanistan vs Sri Lanka: సంచలనం నం.3
ఒక్కరైనా ఊహించి ఉండరు ఈ పరిస్థితిని! ఇదో అద్భుతం! ఇదో స్ఫూర్తిదాయక ప్రయాణం! వన్డే ప్రపంచకప్లో ప్రతి జట్టూ ఆరేసి మ్యాచ్లు ఆడేసింది.
శ్రీలంకకూ షాక్.. అఫ్గాన్ మరో అద్భుతం
విజృంభించిన ఫారూఖీ
చెలరేగిన రహ్మత్, హష్మతుల్లా, అజ్మతుల్లా
ఒక్కరైనా ఊహించి ఉండరు ఈ పరిస్థితిని! ఇదో అద్భుతం! ఇదో స్ఫూర్తిదాయక ప్రయాణం! వన్డే ప్రపంచకప్లో ప్రతి జట్టూ ఆరేసి మ్యాచ్లు ఆడేసింది. అట్టడుగున ఇంగ్లాండ్, 7వ స్థానంలో పాకిస్థాన్, ఆరులో శ్రీలంక! క్రికెట్ ప్రపంచాన్నే నివ్వెరపరుస్తూ అయిదో స్థానంలో అఫ్ఘనులు. ఆహా ఏమి ఆట. మేటి జట్లను సైతం మించిన ప్రదర్శనతో అభిమానుల మనసులు గెలిచిన అఫ్గానిస్థాన్.. అంతర్జాతీయ క్రికెట్లో మరో మెట్టెక్కుతూ టోర్నీలో మూడో సంచలనం నమోదు చేసింది. ఏకంగా సెమీఫైనల్ రేసులో (ముందంజ వేయడం చాలా కష్టమైనా సరే) నిలిచి ఔరా అనిపించింది.
పెద్ద జట్టుపై అఫ్గాన్ విజయాన్ని సంచలనమనడానికి ఇక సంకోచించాలేమో! ఆ జట్టును కూనగా పరిగణిస్తే అంతకన్నా పొరపాటుండదేమో! అంత నైపుణ్యాన్ని, అంత పోరాట స్ఫూర్తిని ప్రదర్శిస్తున్నారు అఫ్ఘనులు. అటు బంతితో, ఇటు బ్యాటుతో తిరుగులేని ఆధిపత్యాన్ని ప్రదర్శించిన అఫ్గానిస్థాన్.. ఈసారి శ్రీలంకను చిత్తు చేసింది. బంతితో ఫారూఖీ, ముజీబ్.. బ్యాటుతో అజ్మతుల్లా, రహ్మత్ షా, హష్మతుల్లా అఫ్గాన్ హీరోలు.
పుణె
అఫ్గానిస్థాన్ అదరహో(Afghanistan vs Sri Lanka). ఆ జట్టు మరోసారి ఆల్రౌండ్ సత్తా చాటింది. సోమవారం 7 వికెట్ల తేడాతో శ్రీలంకపై ఘనవిజయం సాధించింది. మొదట శ్రీలంక 49.3 ఓవర్లలో 241 పరుగులకు ఆలౌటైంది. నిశాంక (46; 60 బంతుల్లో 5×4) టాప్ స్కోరర్. కుశాల్ మెండిస్ (39; 50 బంతుల్లో 3×4), సమరవిక్రమ (36; 40 బంతుల్లో 3×4) రాణించారు. ఫారూఖీ (4/34), ముజీబ్ (2/38) లంకకు కళ్లెం వేశారు. అజ్మతుల్లా ఒమర్జాయ్ (73 నాటౌట్; 63 బంతుల్లో 6×4, 3×6) సూపర్ ఇన్నింగ్స్తో లక్ష్యాన్ని అఫ్గానిస్థాన్ 45.2 ఓవర్లలో మూడే వికెట్లు కోల్పోయి ఛేదించింది. రహ్మత్ షా (62; 74 బంతుల్లో 7×4), హష్మతుల్లా (58 నాటౌట్; 74 బంతుల్లో 2×4, 1×6) కీలక ఇన్నింగ్స్ ఆడారు. ఫారూఖీకి ‘ప్లేయర్ ఆఫ్ ద మ్యాచ్’ అవార్డు లభించింది. ఏదో గాలివాటంగా గెలిచినట్లు కాకుండా.. ఇంగ్లాండ్, పాకిస్థాన్లపై నెగ్గినట్లే ఈ మ్యాచ్లోనూ అఫ్గాన్ సాధికారికంగా విజయం సాధించడం విశేషం.
అలవోకగా..: ఛేదనలో ఖాతా అయినా తెరవకముందే వికెట్. ఓపెనర్ గుర్బాజ్ ఔట్. కానీ రోజు రోజుకీ రాటుదేలుతున్న అఫ్గానిస్థాన్ బెదరలేదు. మొదట మరో ఓపెనర్ ఇబ్రహీం జద్రాన్ (39; 57 బంతుల్లో 4×4, 1×6).. రహ్మత్ షా అర్ధశతక భాగస్వామ్యంతో ఇన్నింగ్స్ నిర్మాణం మొదలైంది. 17వ ఓవర్లో జట్టు స్కోరు 73 వద్ద ఇబ్రహీం నిష్క్రమించినా.. రహ్మత్ షా మరో విలువైన భాగస్వామ్యాన్ని నెలకొల్పాడు. హష్మతుల్లాతో మూడో వికెట్కు అతడు 58 పరుగులు జోడించడంతో ఛేదనలో అఫ్గాన్ మెరుగైన స్థితిలో నిలిచింది. 28వ ఓవర్లో రహ్మత్ ఔటయ్యేటప్పటికి స్కోరు 131. క్రీజులోకి వచ్ని అజ్మతుల్లా దూకుడు ప్రదర్శించాడు. చక్కని షాట్లతో అలరిస్తూ.. సహకారాన్నిస్తున్న హష్మతుల్లాతో కలిసి జట్టును చకచకా లక్ష్యం దిశగా నడిపించాడు. బ్యాటర్లపై లంక బౌలర్లు ఏమాత్రం ప్రభావం చూపలేకపోయారు. ఏ దశలోనూ వారికి కళ్లెం వేయలేకపోయారు. సింగిల్స్తో పాటు, అడపా దడపా బౌండరీలు వస్తుండడంతో చూస్తుండగానే అఫ్గాన్ స్కోరు 200 దాటింది. అలవోకగా సిక్స్లు బాదిన అజ్మతుల్లా 50 బంతుల్లో అర్ధశతకాన్ని అందుకున్నాడు. హష్మతుల్లా అంతకుముందే అర్ధసెంచరీ సాధించాడు. 93 బంతుల్లో శతక భాగస్వామ్యం నమోదు చేసిన అజ్మతుల్లా, హష్మతుల్లా జంట.. ఏమాత్రం తడబాటుకు అవకాశం ఇవ్వకుండా అలవోకగా లక్ష్యాన్ని పూర్తి చేసింది.
లంకకు కళ్లెం: అంతకుముందు శ్రీలంక బ్యాటుతో అంతగా ఆకట్టుకోలేకపోయింది. అఫ్గాన్ పేసర్ ఫారూఖీ విజృంభించడంతో తక్కువ స్కోరుతోనే సరిపెట్టుకుంది. ఫారూఖీ తన ఎడమచేతి వాటం పేస్తో బ్యాటర్లను బెంబేలెత్తించగా.. స్పిన్నర్లు ముజీబ్, రషీద్ ఖాన్ ఎప్పటిలాగే కట్టుదిట్టమైన బౌలింగ్తో తమ వంతు పాత్ర పోషించారు. టాస్ ఓడి బ్యాటింగ్కు దిగిన లంక పరుగుల కోసం తీవ్రంగా శ్రమించింది. పిచ్ నుంచి పెద్దగా సహకారం లేకున్నా ఫారూఖీ, ముజీబ్.. బ్యాటర్లను స్వేచ్ఛగా ఆడనివ్వలేదు. ఆరో ఓవర్లో కరుణరత్నె (15)ను ఫారూఖీ వికెట్ల ముందు దొరకబుచ్చుకునేటప్పటికి స్కోరు 22 పరుగులే. ఆ తర్వాత కుశాల్ మెండిస్తో కలిసి నిశాంక ఇన్నింగ్స్ నడిపించాడు. వెంటనే వికెట్ పడనివ్వలేదు. రెండో వికెట్కు 62 పరుగులు జోడించాక అతడు నిష్కమ్రించాడు. స్కోరింగ్ రేట్ ఏ దశలోనూ అయిదు దాటకున్నా.. సమరవిక్రమతో కలిసి మెండిస్ బ్యాటింగ్ కోనసాగించడంతో 27 ఓవర్లలో 131/2తో లంక ఇన్నింగ్స్ బాగానే పురోగమిస్తున్నట్లనిపించింది. కానీ స్కోరు వేగం పెంచే ప్రయత్నంలో ముజీబ్ బౌలింగ్లో భారీ షాట్ ఆడబోయి మెండిస్ క్యాచ్ ఔట్ కావడంతో ఇన్నింగ్స్ కుదుపునకు గురైంది. ముజీబ్ తన తర్వాతి ఓవర్లో సమరవిక్రమను కూడా ఔట్ చేశాడు. ఆ తర్వాత క్రమ తప్పకుండా వికెట్లు పడ్టాయి. ధనంజయ (14), అసలంక (22), చమీర (1) కొద్ది తేడాలో నిష్క్రమించడంతో లంక 40వ ఓవర్లో 185/7తో చిక్కుల్లో పడింది. మాథ్యూస్ (23), తీక్షణ (29) ఎనిమిదో వికెట్కు 45 పరుగులు జోడించి లంకను ఆదుకున్నారు. 11 పరుగుల వ్యవధిలో ఆ జట్టు తన చివరి మూడు వికెట్లు కోల్పోయింది.
శ్రీలంక ఇన్నింగ్స్: నిశాంక (సి) గుర్బాజ్ (బి) అజ్మతుల్లా 46; కరుణరత్నె ఎల్బీ (బి) ఫారూఖీ 15; మెండిస్ (సి) నజిబుల్లా (బి) ముజీబ్ 39; సమరవిక్రమ ఎల్బీ (బి) ముజీబ్ 36; అసలంక (సి) రషీద్ (బి) ఫారూఖీ 22; ధనంజయ (బి) రషీద్ 14; మాథ్యూస్ (సి) నబి (బి) ఫారూఖీ 23; చమీర రనౌట్ 1; తీక్షణ (బి) ఫారూఖీ 29; రజిత రనౌట్ 5; మదుశంక నాటౌట్ 0; ఎక్స్ట్రాలు 11 మొత్తం: (49.3 ఓవర్లలో ఆలౌట్) 241; వికెట్ల పతనం: 1-22, 2-84, 3-134, 4-139, 5-167, 6-180, 7-185, 8-230, 9-239; బౌలింగ్: ముజీబ్ 10-0-38-2; ఫారూఖీ 10-1-34-4; నవీనుల్ 6.3-0-47-0; అజ్మతుల్లా 7-0-37-1; రషీద్ ఖాన్ 10-0-50-1; నబి 6-0-33-0
అఫ్గానిస్థాన్ ఇన్నింగ్స్: గుర్బాజ్ (బి) మదుశంక 0; ఇబ్రహీం (సి) కరుణరత్నె (బి) మదుశంక 39; రహ్మత్ షా (సి) కరుణరత్నె (బి) రజిత 62; హష్మతుల్లా నాటౌట్ 58; అజ్మతుల్లా నాటౌట్ 73; ఎక్స్ట్రాలు 10 మొత్తం: (45.2 ఓవర్లలో 3 వికెట్లకు) 242; వికెట్ల పతనం: 1-0, 2-73, 3-131; బౌలింగ్: మదుశంక 9-0-48-2; రజిత 10-0-48-1; మాథ్యూస్ 3-0-18-0; చమీర 9.2-0-51-0; తీక్షణ 10-0-55-0; ధనంజయ 4-0-21-0
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దాదాపు 900 రన్స్ చేశా.. చోటు దక్కకపోతే చాలా బాధపడతా: గిల్
టీ20 ప్రపంచ కప్ జట్టులో స్థానం కోసం తీవ్ర పోటీ ఉంది. సీనియర్లతోపాటు యువ క్రికెటర్లు బరిలో నిలిచారు. -
ఆర్చరీ వరల్డ్ కప్లో అదరగొట్టిన భారత్.. మూడు స్వర్ణాలు కైవసం
భారత ఆర్చరీ బృందం అద్భుత ప్రదర్శన చేసింది. ఆర్చరీ వరల్డ్ కప్లో మూడు కేటగిరీల్లో స్వర్ణాలను గెలుచుకుంది. -
క్రికెట్.. బేస్బాల్ గేమ్లా మారిపోతోంది: పంజాబ్ కెప్టెన్
ఐపీఎల్ 17వ సీజన్లో భారీ స్కోర్లు నమోదు కావడం సర్వసాధారణమైంది. 200+ కాకుండా.. 250+ స్కోరుకూడా దాటిపోవడం గమనార్హం. -
సునీల్ నరైన్కు థ్యాంక్స్.. శశాంక్ ఓ అద్భుతం: బెయిర్స్టో
ప్రపంచ టీ20 క్రికెట్ చరిత్రలో పంజాబ్ అద్భుతం సృష్టించింది. ఇప్పటి వరకు ఏ జట్టుకూ సాధ్యంకాని రికార్డును తన ఖాతాలో వేసుకుంది. -
261..మిగల్లేదు
ఏం విధ్వంసమది! ఏం బాదుడది. అంత లక్ష్యాన్ని చూసి డీలా పడకుండా పంజాబ్ పరుగుల వేట సాగించిన తీరు అద్భుతం. తొలి బంతి నుంచి ఆఖరి బంతి వరకు ఆ జట్టు పైచేయిలోనే నిలిచింది. -
పొట్టి కప్పులో ఎవరెవరో?నేడు జట్టును ప్రకటించే అవకాశం
టీ20 ప్రపంచకప్లో పాల్గొనే భారత జట్టు ఎంపికకు సమయం ఆసన్నమైంది. అజిత్ అగార్కర్ నేతృత్వంలోని భారత సీనియర్ సెలక్షన్ కమిటీ శనివారం దిల్లీలో సమావేశం కానున్నట్లు సమాచారం. -
ప్రపంచకప్లో వాళ్లిద్దరూ ఉంటారు
టీ20 ప్రపంచకప్లో పాల్గొనే భారత జట్టులో ఆల్రౌండర్ అక్షర్ పటేల్, వికెట్ కీపర్ రిషబ్ పంత్ చోటు దక్కించుకుంటారని మాజీ కెప్టెన్ సౌరభ్ గంగూలీ అన్నాడు. -
సింగిల్స్.. సింగిల్స్.. సింగిల్స్
రాయల్ ఛాలెంజర్స్ బెంగళూరు నెల రోజుల తర్వాత ఐపీఎల్లో విజయాన్నందుకుంది. గురువారం 35 పరుగుల తేడాతో సన్రైజర్స్ హైదరాబాద్ను ఓడించింది. -
సూర్య, బుమ్రానే కీలకం
రాబోయే టీ20 ప్రపంచకప్లో సూర్యకుమార్ యాదవ్, జస్ప్రీత్ బుమ్రా కీలకం కానున్నారని.. వాళ్లిద్దరికి మ్యాచ్ స్వరూపాన్ని మార్చే సత్తా ఉండడమే ఇందుకు కారణమని టీమ్ఇండియా మాజీ స్టార్ యువరాజ్ సింగ్ అన్నాడు. -
సురేఖ జోడీకి పతకం ఖాయం
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ జోడీ సత్తాచాటుతోంది. కాంపౌండ్ మిక్స్డ్ టీమ్ విభాగంలో సురేఖ- అభిషేక్ వర్మ జోడీ ఫైనల్లోకి దూసుకెళ్లి భారత్కు నాలుగో పతకం ఖాయం చేసింది. -
లక్షితకు రజతం.. శ్రీయకు కాంస్యం
ఆసియా అండర్-20 అథ్లెటిక్స్ ఛాంపియన్షిప్లో భారత అథ్లెట్ల జోరు కొనసాగుతోంది. శుక్రవారం లక్షిత వినోద్ రజతం.. శ్రీయ రాజేశ్ కాంస్యం గెలుచుకున్నారు. -
రెండో టైటిల్పై భారత్ గురి
ప్రతిష్టాత్మక థామస్ అండ్ ఉబెర్ కప్కు రంగం సిద్ధమైంది. స్టార్ ఆటగాళ్లతో కూడిన భారత పురుషుల జట్టు థామస్ కప్ టైటిల్ నిలబెట్టుకుంటామన్న ఆత్మవిశ్వాసంతో ఉండగా.. -
సెంచరీ చేసిన బ్యాట్లన్నీ దాచుకున్నా
71 అంతర్జాతీయ సెంచరీలు చేశాడు ఆస్ట్రేలియా మాజీ స్టార్ రికీ పాంటింగ్! శతకం చేసిన ప్రతి బ్యాట్ని అతడు ఇప్పటికీ దాచుకున్నాడట. -
‘రెజ్లింగ్ సంఘంపై మళ్లీ నిషేధం విధిస్తాం’
ఆట వ్యవహారాలను చూసే బాధ్యతలను అడ్హాక్ కమిటీకి అప్పగిస్తే భారత రెజ్లింగ్ సమాఖ్య (డబ్ల్యూఎఫ్ఐ)పై మళ్లీ నిషేధాన్ని విధిస్తామని ప్రపంచ రెజ్లింగ్ సమాఖ్య (యూడబ్ల్యూడబ్ల్యూ) హెచ్చరించింది. -
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
టీ20 ప్రపంచ కప్ కోసం జట్టును ప్రకటించేందుకు సమయం ఆసన్నమవుతోంది. దీంతో మాజీ క్రికెటర్లు తమ స్క్వాడ్లను వెల్లడిస్తూ ఎవరిని తీసుకుంటే బాగుంటుందనే సూచనలు చేస్తున్నారు.
తాజా వార్తలు (Latest News)
-
ఇండస్ట్రీలో ఆ హీరోయిన్స్ తక్కువ.. ఆ ఖాళీని భర్తీ చేయాలనుకుంటున్నా!
-
‘కల్కి 2898 ఏడీ’ వాయిదా.. కొత్త రిలీజ్ డేట్ ఇదే
-
‘అప్పుడు ఆత్మహత్య చేసుకోవాలనుకున్నా’: బైడెన్
-
నక్కపల్లి వద్ద ఘోర ప్రమాదం: ముగ్గురి మృతి
-
అమెజాన్ గ్రేట్ సమ్మర్ సేల్ తేదీలు వచ్చేశాయ్.. ఈ ఫోన్లపై డిస్కౌంట్
-
ఈనాడు.నెట్లో టాప్ 10 వార్తలు @ 5 PM