Pat Cummins: అత్యంత సంతృప్తినిచ్చింది అదే

ఆటల్లో భారీ అభిమానగణం మూగబోయేలా చేయడం కంటే సంతృప్తినిచ్చే విషయం మరొకటి లేదని, భారత్‌తో వన్డే ప్రపంచకప్‌ ఫైనల్లో తమ లక్ష్యం అదే అని మ్యాచ్‌కు ముందు అన్నాడు ఆస్ట్రేలియా కెప్టెన్‌ కమిన్స్‌. ఆదివారం అదే జరిగింది. ఆస్ట్రేలియా విజృంభణతో భారత అభిమానులు మౌనంగా ఉండిపోయారు. ఈ నిశ్శబ్దంలో తనకు అత్యంత సంతృప్తినిచ్చిన సందర్భం గురించి కమిన్స్‌ మాట్లాడాడు. ‘‘కోహ్లిని ఔట్‌ చేయడం మాకు అత్యంత తీయనైన సందర్భం. స్టేడియంలో నెలకొన్న నిశ్శబ్దాన్ని గుర్తించడానికి మాకు ఒక క్షణం పట్టింది. మరోసారి అతను సెంచరీ చేయడానికి సిద్ధమైనట్లు కనిపించిన తరుణంలో ఔట్‌ చేయడంలో ఎంతో సంతృప్తినిచ్చింది’’ అని కమిన్స్‌ అన్నాడు.